समूह के दीदी मन करही अब हरदी के व्यवसायिक उत्पादन
दंतेवाडा़, विकासखण्ड कुआकोंडा के 5 गांव ल हरदी के पैदावार बर चुने गए हे। ए संबंध म राष्ट्रीय ग्रामीण आजीविका मिशन ’’बिहान’’ के तहत स्थानीय स्व सहायता के दीदी मन ल हरदी उत्पादन, करे बर प्रेरित करे जात हे। ए कड़ी म ग्राम रेंगानार, गढ़मिरी, कुआकोण्डा, हल्बारास, मैलावाड़ा, गोगपाल के इच्छुक 50 महिला मन ल उद्यानिकी विभाग ले 20 क्विंटल हरदी बीज देहे गए हे अऊ समुह के दीदी मन ह 40-40 किलो अपन बाड़ी म हरदी गाठ के रोपण करे हें। हरदी उत्पादन ए साल होए म अगले साल ए हरदी ल मां दन्तेश्वरी महिला फार्मर प्रोडयूसर कंपनी लिमिटेड कुआकोण्डा ह खरीदी घलोक करही। खरीदी करके ए हरदी के प्रसंस्करण करके जिला के सी-मार्ट दुकान अउ थोक किराना दुकान मन म सप्लाई करे के योजना हे। जेमां उत्पादन करइया समूह के महिला मन ल लाभ प्राप्त होही।
जानबा हे के ये कोति के गांव मन म हरदी के खेती पहिली ले ही करे जात रहे हे। फेर व्यवसायिक दृष्टिकोण ले एकर रोपण नइ होए रहिस हे। राष्ट्रीय ग्रामीण आजीविका मिशन ’’बिहान’’ कोति ले हरदी के खेती ले महिला मन ज लोड़ के उंखर आर्थिक समृद्धि अउ आजीविका के पहल करे जात हे जेन ल खचित्त सफलता मिलही।
