रायपुर, मुख्यमंत्री विष्णु देव साय के जनदर्शन कार्यक्रम म पाछू दिनन धमतरी जिला के मकेश्वर वार्ड नं 9 के निवासी श्रीमती वंदना प्रजापति अऊ श्रीमती रीना सोनवानी पहुंचे रहिस। उमन बताए रहिन के महतारी वंदन योजना के तहत 5 वां किश्त के पईसा ऊंखर खाता म आए हे। एखर बर उमन मुख्यमंत्री ल धन्यवाद दीन। वंदना प्रजापति अऊ रीना सोनवानी ह कहिस के महतारी वंदन के हर महिना मिलइया पईसा ले पूजा सामान अऊ तीजा बर सामान संग नवा लुगरा बिसाबोन।
वंदना अऊ रीना ह बताइस कि हर महिना एक हजार मिले ले उन ला आर्थिक सहायता मिलत हे। अभी हाल म लइका मन के स्कूल चालू हो गए हे। अइसन म अपन लइका मन के कॉपी, किताब, पेन्सिल अऊ स्कूल फीस बर पईसा के उपयोग उमन करत हे। उमन कहिन कि जअसे बूंद-बूंद ले घड़ा भरथे, वइसनहे हर एक महिना एक-एक हजार रुपिया मिले ले घर के गृहस्थी के संचालन म सहायाता मिलत हे। वंदना ह बताइस के जुलाई अऊ अगस्त के महीना महिला मन के तीज-तिहार, व्रत, अनुष्ठान बर माने जाथे। उमन कहिन के अइसन म महतारी वंदन के एक हजार रुपिया हर महिना मिलइया पईसा ले पूजा सामान, फल-फूल अउ लुगरा बिसाए म खरच करबोन।
