महासमुंद, 31 जुलाई 2024। रामलला दर्शन के तीसर चरण म छत्तीसगढ़ के महासमुंद जिला ले 38 श्रद्धालु मन के चयन करे गीस, जेन मन आज भिनसरहा जनपद पंचायत परिसर महासमुंद ले 38 तीर्थ यात्री मन के दल श्री रामलला दर्शन अयोध्या धाम बर रवाना होइन। रायपुर रेलवे स्टेशन ले स्पेशल ट्रेन ले श्री रामलला दर्शन के यात्रा बर इमन ल ले जाए जाही। मुख्यमंत्री श्री विष्णु देव साय ह राम भक्त मन ल अपन हार्दिक बधाई अऊ शुभकामना दीन। उमन कहिन के राज्य शासन कोति ले राज्य के राम भक्त मन बर निःशुल्क अयोध्या धाम म श्रीराम के दर्शन बर श्री रामलला दर्शन योजना के शुरुआत करे गए हे अऊ सबो श्रद्धालु मन ल ट्रेन के माध्यम ले हर एक जिला ले चयन करके ओ मन ल रामलला के दर्शन बर ले जाए जात हे।
रामलला दर्शन योजना न केवल धार्मिक अऊ सांस्कृतिक स्थल के प्रति मनखे मन के रुचि ल बढ़ाथे, भलुक ओ मन ल वो जगा के जानकारी अऊ अनुभव करे के मौका घलोक देथे, जेला ओ मन आम तौर मं आर्थिक कारण से नइ देख पावंय।
श्रद्धालु मन ह ए योजना बर मुख्यमंत्री श्री विष्णु देव साय अऊ जिला प्रशासन ल धन्यवाद ज्ञापित करिन अऊ बताइन के ए योजना ले हमन के श्री रामलला के दर्शन करे के सपना पूरा होवत हे। जानबा हे के श्री रामलला दर्शन योजना के तहत् श्रद्धालु मन ल पूरा पैकेज मिलही, जेमां छत्तीसगढ़ ले अयोध्या जाय, उहां रहे के व्यवस्था, मंदिर दर्शन, नाश्ता अऊ खाए के घलोक व्यवस्था रइही। ए ट्रेन म टूर एक्सपर्ट, सुरक्षा कर्मी अऊ चिकित्सक के दल घलोक मौजूद रहिही।
