महासमुंद, 01 अगस्त 2024। छत्तीसगढ़ राज्य स्तरीय मिक्स बॉक्सिंग चैम्पियनशिप (Chhattisgarh State Level Mix Boxing Championship) के आयोजन लोहाना भवन फाफाडीह रायपुर म 27 ले 28 जुलाई 2024 ल करे गीस। मिक्स बॉक्सिंग एसोसिएशन ऑफ छत्तीसगढ़ जिला इकाई रायपुर से आयोजित ए चैम्पियनशिप म कई आयु अउ वजन समूह मन म लगभग 250 महिला अउ पुरुष खिलाड़ी मन ह भाग लीन।
ए आयोजन म महासमुंद जिला के खिलाड़ी मन ह उत्कृष्ट प्रदर्शन करत कुल 27 पदक जीतिन, जेमां 10 गोल्ड, 9 सिल्वर, अऊ 8 ब्रॉन्ज मेडल सामिल हे। पदक जीतइया खिलाड़ी मन म वंशिका चौहान, आरुषि नंद, सिमरन चौहान, पल्लवी भोई, दिलेश्वरी साव, सबेश्वरी साहू, साहिल कुमार, राजकुमार रोहिदास, सूर्यकांत मिश्रा अऊ त्रिलोचन साहू सामिल हे, जेमन गोल्ड मेडल जीते हें।
एखर ले अकतहा, भगवंतीन निराला, नुरेंद्र साहू, सना खान, इजरायल दीप, संस्कार सिंह नायक, भवनी बेहेरा, प्रियंका साव, योगिता खूंटे, अऊ हेमा साव ह सिल्वर मेडल जीते हे। कृतिका बारीक, हेमा पटेल, जैनीश दीप, डॉलीमा चौधरी, दिव्या यादव, रचना साव, नंदिका साहू अऊ जेता वाजपेई ह ब्रॉन्ज मेडल जीते हे।
कलेक्टर श्री प्रभात मलिक अउ पुलिस अधीक्षक श्री आशुतोष सिंह ह सबो खिलाड़ी मन ल ऊंखर उज्ज्वल भविष्य के कामना करत बधाई दीन अऊ राष्ट्रीय स्तर म घलोक पदक जीतके जिला के नाम रोशन करे के शुभकामना दीन। सबो खिलाड़ी मन ह विरेन्द्र कुमार डडसेना के मार्गदर्शन अऊ कोच वंशिका चौहान के नेतृत्व म शानदार प्रदर्शन करे हें। एकरे संग जिला खेल अधिकारी श्री मनोज धृतलहरे, श्री हरिशंकर देवांगन, श्री बृजेश मिश्रा, रॉयल किड्स स्कूल नयापारा खुर्द पिथौरा के प्राचार्य अवस्थी अउ सुरेश निषाद ह घलोक खिलाड़ी मन ल बधाई अऊ शुभकामना दीन।
