श्री साय ह परिसर स्थित वीर शहीद गुण्डाघुर के प्रतिमा उपर माल्यार्पण करके दीन श्रद्धांजलि
जगदलपुर, 01 अगस्त 2024। मुख्यमंत्री श्री विष्णु देव साय ह जल संरक्षण के प्रति बस्तर जिलावासी मन ल जागरुक करे के उद्देश्य ले जल शक्ति अभियान के तहत बिरसपत के शहीद गुण्डाधूर कृषि महाविद्यालय अउ अनुसंधान केंद्र परिसर जगदलपुर ले जागरूकता वाहन ल झंडी देखाके रवाना करिन। ये वाहन जिला के सबो गाँव म पहुँचके जल संरक्षण के उपाय के जानकारी देवत आम नागरिक मन ल जागरूक करही।
बस्तर जिला म जल संसाधान विभाग के 108 वाटर हार्वेस्टिंग स्ट्रक्चर जेमे कई ठन बड़का टैंक, स्टॉप डैम, एनिकट, मध्यम सिंचाई परियोजना सामिल हे। जिला म 95 अमृत सरोवर बनाये जात हे जेमां ले 75 पूरा हो गे हे। इंकर निर्माण म महिला मन के सहभागिता प्राथमिकता म रहे हे। नारी शक्ति ल सामिल करत, जिला म मनरेगा अंतर्गत 3 हज़ार 881 जिओ-टैग्ड वाटर हार्वेस्टिंग स्ट्रक्चर बनाये गे हे, जेमे ले लोहण्डीगुडा ब्लाक म 695, दरभा म 1863, बास्तानार म 391, जगदलपुर म 402 बकावंड म 530, तोकापाल म 306 अउ बस्तर म 425 जल संरक्षण संरचना सामिल हे । संगेच जल संरक्षण कार्ययोजना रिपोट के आधार म कुल 1305 नवा स्ट्रक्चर प्रस्तावित हे। जिला म कई ठन योजना मन के अंतर्गत 32 एकड़ क्षेत्रफल म सघन वृक्षारोपण करे गए हे। जिला म ब्लाक प्लांटेशन अउ सड़क किनारे वृक्षारोपण म कुल 1287781 वृक्ष लगाए गए हे।
जल जीवन मिशन अंतर्गत 2385 महिला मन ल पानी के परिक्षण बर प्रशिक्षित करे गए हे। जेखर लाभ जिला के सुदूर क्षेत्रवासी मन ल मिलत हे। काबर कि नारी के स्थान हमेशा ले ही सर्वोपरि रहे हे जेन अपन घर के संगें-संग पर्यावरण के घलोक संरक्षिका रहे हें। जेखर सेती नारी शक्ति ले जल शक्ति सार्थक सिद्ध होथे। अइसनहे बस्तर जिला के कुल 433 ग्राम पंचायत के 614 गांव मन म 11979 हैण्ड पंप लगाए गे हे जेन पीए के पानी बर जीवन दायी सिद्ध होवत हे संगेच 140 ग्राम पंचायत म नल ले जल पहुँचाए जात हे। जिला म स्पॉट सोर्स अंतर्गत 130 ग्राम पंचायत मन म 61 म सोलर अउ 69 म पॉवर पंप ले पीए के पानी के व्यवस्था करे गए हे।
