मुख्यमंत्री विहंगम योग संत-समाज के कार्यक्रम म होइन सामिल
रायपुर, 02 अगस्त 2024। मुख्यमंत्री श्री विष्णु देव साय आज राजधानी रायपुर के पं. दीनदयाल उपाध्याय ऑडिटोरियम म विहंगम योग संत-समाज से आयोजित स्वर्वेद कथा म सामिल होइन। उमन संत प्रवर श्री विज्ञानदेव जी महाराज के आशीर्वाद प्राप्त करिन अऊ ऊंखर पावन सानिध्य म जय स्वर्वेद कथामृत के श्रवण करिन। ए अवसर म कोंडागांव विधायक सुश्री लता उसेंडी घलोक उपस्थित रहिन।
जानबा हे कि विहंगम योग संत समाज कोति ले स्थापना के शताब्दी समारोह के पावन अवसर के निमित्त कन्याकुमारी ले कश्मीर तक के राष्ट्रव्यापी संकल्प यात्रा आयोजित करे जात हे। इही संकली म राजधानी रायपुर म जय स्वर्वेद कथा आयोजित करे गए रहिस।
मुख्यमंत्री श्री साय ह ए अवसर म कहिन कि ये परम सौभाग्य के बात हे कि माता कौशल्या के धरती अऊ भगवान राम के ननिहाल छत्तीसगढ़ म हमला संत प्रवर श्री विज्ञान देव जी महाराज के पावन सानिध्य के सुअवसर मिले हे। उमन कहिन कि पूज्य संत मन के आशीर्वाद हमेशा प्रदेश म बने रहय अऊ मनखे मन के जीवन म खुशहाली अऊ समृद्धि आवय। उमन कहिन कि संत जी विहंगम योग संत समाज के स्थापना के शताब्दी साल के अवसर म कन्याकुमारी ले कश्मीर के यात्रा करत हें। संत श्री विज्ञान देव जी ह 15 दिवस म छत्तीसगढ़ के 13 जिला के यात्रा करिस। श्री साय ह कहिन कि विश्व शांति अउ कल्याण बर ये यात्रा निश्चित ही लाभदायी होही। मुख्यमंत्री ह समाज कल्याण बर विहंगम योग संत समाज के प्रयास के प्रशंसा करिन।
विधायक श्रीमती लता उसेंडी ह कहिन कि विहंगम योग संत समाज के पूज्य संत के आशीर्वाद हमेशा ले छत्तीसगढ़ ल मिलत रहे हे इनकर पावन प्रवास के हम सबो प्रतीक्षा करत रहिन। छत्तीसगढ़ के सुदूर अंचल म समाज के पूज्य संत मन ह आध्यात्मिक अलख जगाए बर बहुत अकन प्रयास करे गए हे।
