छोटे लइका मन ह ए एप म होवइया गतिविधि मन के बारे म बहुतेच सुंदर ढंग ले बताइन
मुख्यमंत्री ह लइका मन के उत्साहवर्धन करे के संग पूरा मेहनत के संग पढ़ाई करे के दीन सीख
शासकीय उच्चतर माध्यमिक विद्यालय बंदरचुआं म आयोजित होए रहिस कार्यक्रम
रायपुर, 06 अगस्त 2024। मुख्यमंत्री श्री विष्णु देव साय के आगू आज जशपुर जिला के शासकीय उच्चतर माध्यमिक विद्यालय बंदरचुआं म शैक्षणिक गतिविधि बर संचालित डिजिटल एप ई- जादुई पिटारा के खूबी मन ल बताए गीस। ये बेरा म शिक्षिका श्रीमती शशिकिरण कश्यप ह बहुतेच सुंदर ढंग ले एक छोट कन कहानी बताईन। कक्षा 5वीं के लइका स्मृति कुजूर, स्नेहा मिंज अऊ प्रियंका बाई ह कइसे खेल-खेल म ए एप के माध्यम ले सिखाए जाथे ओखर बहुतेच सुंदर प्रदर्शन करिन।
ई-जादुई पिटारा नवा शिक्षा नीति ह तहत बनाए गए हे ताकि लइका मन ल पढ़ाई ह बोझा झन लगे अऊ नवाचार के माध्यम से लइका कठिन विषय ल घलव खेल खेल के माध्यम ले आसानी ले सीख सकय। ये एप ल मुख्य रूप ले प्राइमरी तक के लइका मन बर बनाय गए हे। ए एप के माध्यम ले लइका मन ल ऊंखर रुचि के मुताबिक बहुतेच सरल अऊ मनोरंजक तरीका ले सिखाए जात हे।
ए एप्प म कहिनी, बालगीत, जनउला, कार्ड, ऑडियो पुस्तक, खिलौना अऊ खेल, हैंडबुक चार्ट हवय। जादुई पिटारा बॉक्स के माध्यम ले लइका मन बर रचनात्मक गतिविधि के संचालन करे जात हे। ए एप ले लइका, शिक्षक अऊ पालक जुड़े रहिथें। कोनो स्कूल म कहूं कोनो रचनात्मक गतिविधि होथे त ओला ए एप म अपलोड करे जा सकत हे। जेन ल कोनो पालक, लइका अऊ टीचर अवलोकन कर सकत हें।
मुख्यमंत्री श्री साय ह लइका मन के उत्साहवर्धन करिन अऊ पूरा मन लगाके पढ़ाई करे के सीख दीन। ए बेरा म मुख्यमंत्री के धर्मपत्नी श्रीमती कौशल्या साय, स्कूल शिक्षा सचिव श्री सिद्धार्थ कोमल सिंह परदेशी, कलेक्टर डॉ. रवि मित्तल उपस्थित रहिन।
