श्री रामलला दर्शन (अयोध्या धाम) योजना के तहत जांजगीर-चांपा जिला के 187 श्रद्धालु होइन रवाना
तीर्थयात्री मन ह श्री रामलला दर्शन योजना ल सहरावत मुख्यमंत्री के ये उदीम बर करिन आभार व्यक्त
जांजगीर-चांपा, 07 अगस्त 2024। भगवान श्री रामलला के दर्शन बर अयोध्या धाम जाना हम सब के सौभाग्य हे, बरसों पुराना हमर ये सपना आज मुख्यमंत्री श्री विष्णुदेव साय पूरा करत हे। श्री रामलला दर्शन बर अयोध्या बर रेंगे के पहिली श्रद्धालु मन ह कहिन के ए योजना के तहत हम श्रद्धालु मन ल भगवान राम के पावन नगरी अयोध्या जाय के सौभाग्य प्राप्त होवत हे। एखर बर उमन मुख्यमंत्री श्री विष्णुदेव साय के अगुवई वाले छत्तीसगढ़ सरकार ल हिरदे ले धन्यवाद घलोक दीन।
श्री रामलला दर्शन योजना के तहत बिलासपुर के रेलवे स्टेशन ले अयोध्या जवइया विशेष ट्रेन काली जिला के 187 राम भक्त मन के टोली अउ 05 एस्कॉर्ट ऑफिसर ल लेके रवाना होइस। ए बेरा म काली खोखरा चौक जांजगीर म विधायक जांजगीर-चांपा श्री ब्यास नारायण कश्यप, पूर्व नेताप्रतिपक्ष श्री नारायण चंदेल संग जनप्रतिनिधि मन ह राम भक्त मन ल जांजगीर ले रेलवे स्टेशन बिलासपुर तक जवइया बस ल हरी झंडी देखाके रवाना करिन। ए बेरा म जनपद पंचायत अध्यक्ष नवागढ़ श्रीमती प्रीति देवी सिंह, जिला पंचायत सदस्य श्री लखन लाल देवांगन, नगर पालिका उपाध्यक्ष श्री आशुतोष गोस्वामी, उप संचालक पंचायत श्री अभिमन्यू साहू, उप संचालक समाज कल्याण विभाग श्री टी पी भावे संग जनप्रतिनिधिगण, संबंधित अधिकारी-कर्मचारी अउ श्रद्धालुगण उपस्थित रहिन।
