छत्तीसगढ़ संग देश भर म आज ले शुरू होइस हर घर तिरंगा अभियान
09 अगस्त ले 15 अगस्त 2024 तक मनाए जाही स्वतंत्रता हफ्ता
कुनकुरी, पत्थलगांव, कोतबा, बगीचा म तिरंगा यात्रा निकालके मनखे मन ले अभियान म सामिल होए के करे गीस अपील
जशपुरनगर, 10 अगस्त 2004। स्वतंत्रता दिवस समारोह के उपलक्ष्य म आज ले हर घर तिरंगा अभियान शुरू हो गे। ‘हर घर तिरंगा’ अभियान 9 अगस्त ले 15 अगस्त तक पूरा देश म चलाय जात हे, जेखर उद्देश्य नागरिक मन म देशभक्ति के भावना ल मजबूत करना हे। छत्तीसगढ़ शासन के हुकुम के मुताबिक आजादी के अमृत महोत्सव के अंतर्गत दिनांक 09 अगस्त ले 15 अगस्त 2024 तक हर घर तिरंगा कार्यक्रम के आयोजन करे जाही। इही कड़ी म आज नगर पंचायत कुनकुरी, पत्थलगांव, कोतबा, बगीचा म कलेक्टर डॉ. रवि मित्तल, जिला पंचायत सीईओ श्री अभिषेक कुमार के निर्देशानुसार सीएमओ श्री प्रवीण कुमार उपाध्याय के संग कार्यालय नगर पंचायत कुनकुरी ले डुगडुगिया चौक होत शहर के कई ठन क्षेत्र बर तिरंगा यात्रा के शुरुआत करे गीस। ये कार्यक्रम म शहर के गणमान्य नागरिक श्री सुनील अग्रवाल, श्री राजकुमार सिंह, श्री ताराचंद यादव, धनीराम भगत, नगर पंचायत कुनकुरी के जम्मो कर्मचारी अउ आन नागरिक उपस्थित होके तिरंगा के सम्मान म यात्रा के शुरूआत करे गीस एखर अंतर्गत सीएमओ श्री प्रवीण कुमार उपाध्याय ह जम्मो नागरिक मन ल राष्ट्रीय ध्वज अपन घर म फहराए के अपील करे गीस ताकि आमजन म देश भक्ति के भावना विकसित होवय अउ राष्ट्रीय ध्वज के प्रति सम्मान म घलोक वृद्धि होवय। मुख्य नगर पालिका अधिकारी नगर पंचायत कुनकुरी ह बताइस के शासन के निर्देशानुसार 9 अगस्त ले 15 अगस्त तक कई ठन कार्यक्रम के आयोजन करे जाही। सबो नागरिक ले कार्यक्रम म उपस्थित रहे के अपील करे गए हे।
