श्री साय ह कहिन कि स्वतंत्रता संग्राम के महान सेनानी मन ले भावनात्मक जुड़ाव स्थापित करे अऊ ओ मन ल सम्मान देहे के ये उत्कृष्ट तरीका
स्वतंत्रता संग्राम ले जुड़े काकोरी के नाम ले उत्तर प्रदेश सरकार करत हे आमा के ब्रांडिग
मुख्यमंत्री श्री साय ह कहिन कि ए आमा मन म बसे हे भगवान श्री राम के सुरता
रायपुर 10 अगस्त 2024। छत्तीसगढ़ के मुख्यमंत्री श्री विष्णुदेव साय ह उत्तरप्रदेश के मुख्यमंत्री योगी आदित्यनाथ ले उपहार म काकोरी आमा के टुकनी पाके ओ मन ल चिट्ठी लिखके हिरदे ले धन्यवाद प्रेषित करत कहे हें के ये उपहार पाके में बहुत भावुक अऊ अभिभूत हंव।
मुख्यमंत्री श्री साय ह योगी आदित्यनाथ ल लिखे चिट्ठी म कहे हें के आप मन के मधुर संदेश के संग मोला मिले काकोरी आमा के सुवाद बड़ गुरतुर हे।
मुख्यमंत्री श्री साय ह कहिन कि उत्तर प्रदेश के पहिचान आमा ले घलोक हे अऊ महान स्वतंत्रता संग्राम सेनानी मन ले घलोक। उमन कहिन कि उत्तरप्रदेश के मुख्यमंत्री योगी आदित्यनाथ ह ए दुनों पहचान ल एकाकार करत जेन अद्भुत पहल करे हें, वो प्रेरक हे। स्वतंत्रता संग्राम सेनानी मन ल सम्मान देहे के ये सुग्घर तरीका हे। एखर से हम अपन महान स्वतंत्रता संग्राम सेनानी मन ले भावनात्मक जुड़ाव स्थापित करत ओ महान संग्राम के सुरता ल अपन सबले प्रिय क्षण म सामिल कर सकबो।
