जीपीएम जिला के गौरव बनीस ज्योति पाल : राष्ट्रीय स्वतंत्रता दिवस समारोह म विशिष्ट अतिथि के रूप म आमंत्रित

विमान ले ज्योति पाल दिल्ली बर होइस रवाना

रायपुर, 12 अगस्त 2024। जीपीएम जिला बर ये गौरव के बात हे कि राष्ट्रीय ग्रामीण आजीविका मिशन बिहान के सदस्य श्रीमती ज्योति पाल ल राष्ट्रीय स्वतंत्रता दिवस समारोह म विशिष्ट अतिथि के रूप म आमंत्रित करे गए हे। ज्योति पाल स्‍वामी विवेकानंद एयरपोर्ट रायपुर ले विमान ले आज नई दिल्ली बर प्रस्थान करे हे। कलेक्टर श्रीमती लीना कमलेश मंडावी के मार्गदर्शन अऊ परियोजना निदेशक श्री कौशल प्रसाद तेंदुलकर के नेतृत्व म आकांक्षी ब्लॉक गौरेला के ग्राम कोरजा के ज्योति पाल ल 78 वां स्वतंत्रता दिवस समारोह नई दिल्ली म आमंत्रित करे गए हे। श्रीमती ज्योति पाल आयुषी स्व-सहायता समूह ले जुड़े हे अऊ चक्रीय निधि राशि अउ बैंक ऋण लेके बकरी पालन के व्यवसाय करथे। साल भर म ए व्यवसाय ले लगभग एक लाख बीस हजार रुपिया के आमदनी वो मन ल हो जाथे। ये पहिली मौका हे जब जिला ले कोनो राष्ट्रीय ग्रामीण आजीविका मिशन बिहान समूह के दीदी ल ये सम्मान प्राप्त होय हे।