प्रदेश के कई जिला मन म 17 अकटूबर 2023 ले 09 मार्च 2025 तक होही स्वदेशी मेला के आयोजन
रायपुर, 16 अगस्त 2024। मुख्यमंत्री श्री विष्णु देव साय ह आज इहां अपन निवास कार्यालय म छत्तीसगढ़ के कई जिला मन म भारतीय विपणन विकास केंद्र कोति ले आयोजित होवइया ‘स्वदेशी मेला’ के विवरणिका (ब्रोशर) के विमोचन करिन। मुख्यमंत्री ह प्रतिनिधिमंडल ल कार्यक्रम के आयोजन बर शुभकामना दीन।
जानबा हे कि प्रदर्शनी के आयोजन भारतीय विपणन विकास केंद्र (स्वदेशी जागरण फाउंडेशन के इकाई) कोति ले करे जाही। भारतीय विपणन विकास केंद्र के मेला प्रबंधक श्री सुब्रत चाकी ह बताइस के पाछू दू दशक ले ये कार्यक्रम हर साल कई ठन जिला मन म आयोजित करे जात हे । उमन बताइन के स्वदेशी मेला भारतीय उद्यमी मन बर नवा व्यावसायिक अवसर उपलब्ध करे हे। ये मेला भारतीय उत्पादक, ग्रामीण, कुटीर, निजी, सहकारी अऊ सार्वजनिक क्षेत्र मन के उपक्रम मन बर लाभकारी व्यापार उपक्रम के रूप म उभरे हे। जेखर से ए कार्यक्रम के लोकप्रियता आमजन के बीच बाढ़त जात हे। ए साल ये स्वदेशी मेला कबीरधाम म 17 ले 23 अकटूबर, बिलासपुर म 15 ले 21 नवम्बर, रायपुर म 27 दिसम्बर 2024 ले 3 जनवरी 2025, राजनांदगांव म 7 फ़रवरी ले 13 फरवरी 2025 अउ जगदलपुर म 2 मार्च ले 9 मार्च 2025 तक आयोजित होही।
ए अवसर म डॉ. रामप्रताप सिंह, प्रान्त समन्वयक श्री जगदीश पटेल, श्री गोपाल कृष्ण अग्रवाल, श्री प्रवीण मैशेरी, श्रीमती शीला शर्मा, श्री युगबोध अग्रवाल, श्री अमर बंसल, स्वदेशी मेला अउ भारतीय विपणन विकास केंद्र के प्रबंधक श्री सुब्रत चाकी, श्री अमरजीत सिंह छाबड़ा अउ आन स्वदेशी कार्यकर्ता उपस्थित रहिन।
