टीकाकरण अभियान 30 सितमबर 2024 तक खुरहा-चपका (एफएमडी) ले संक्रामण के बचाव बर
कोरिया, 17 अगस्त 2024। उप संचालक पशु चिकित्सा सेवायें ले मिले जानकारी के मुताबिक जिला के अंतर्गत गौवंशीय, भैंसवंशीय, बकरी प्रजाति मन म खुरहा-चपका (एफएमडी) ले बचाव बर सघन टीकाकरण अभियान 15 अगस्त ले चालू हो गए हे, अऊ ये टीकाकरण अभियान 30 सितमबर 2024 तक चलही। उमन बताइन के जिला के सबो ग्राम पंचायत मन म शतप्रतिशत टीकाकरण होना हे। योजना के सफल क्रियान्वयन बर गठित टीकाकरण दल ल टीका द्रव्य संग जरूरी समान दे के टीकाकरण बर 15 अगस्त ले रवाना करे गए हे।
उमन बताइन के खुरहा-चपका (एफएमडी) के ए टीकाकरण अभियान म विकासखण्ड के प्रभारी अधिकारी मन ल नोडल अधिकारी बनाय गए हे। गौवशीय, भैसवंशीय अउ बकरी प्रजाति के पशु मन म टीकाकरण के प्रभावी असर बर पशु मन ल टीकाकरण के पहिली कृमिनाशक के दवा पान कराए गए हे अउ शीत-श्रृंखला के विशेष ध्यान रखे जात हे ताकि पशु मन म रोग प्रतिरोधक क्षमता के जादा ले जादा विकास हो सकय।
जिला म संचालित मोबाइल पशु चिकित्सा इकाई (एमवीयू) ल घलोक ए काम म संघेरे गए हे। जिला के जम्मो संस्था प्रभारी, प्राईवेट कृत्रिम गर्भाधान कार्यकर्ता-गौवसेवक मन ल रोजे करे गए टीकाकरण ल भारत पशुधन एप्प म प्रविष्टि बर प्रशिक्षण प्रदान करे गए हे।
