रायपुर, 19 अगस्त 2024। हाथ न ही, भलुक पांव ले वर्षा धु्रव ह मुख्यमंत्री श्री विष्णु देव साय ल राखी बांधीस। रक्षाबंधन के अवसर म मुख्यमंत्री निवास पहुंचे धमतरी के दिव्यांग बालिका वर्षा ध्रुव ह कहिस के आज में बहुत खुश हंव, मैं ह मुख्यमंत्री ल राखी बांधेंव। जइसे एक भाई अपन बहिनी के रक्षा करथे, वइसनेच हमार मुख्यमंत्री प्रदेश के बहिनी मन के रक्षा करत हें।
धमतरी के दिव्यांग बालिका वर्षा ध्रुव ह अपन पांव ले राखी बांधीस अऊ मुख्यमंत्री श्री साय ल अपन पांव ले ही मिठाई घलोक खवाइस। मुख्यमंत्री ए बेरा म थोड़कन भावुक घलोक होइन अऊ कहिन कि वर्षा के जीजीविषा अऊ मया ह ए मौका ल बहुत खास बना देहे हे। मुख्यमंत्री श्री साय ह वर्षा ल उपहार स्वरूप मिठाई भेंट करिस अऊ ओला सुखद भविष्य के शुभकामना दीस।
जानबा हे कि वर्षा ध्रुव धमतरी म दिव्यांग लइका मन बर काम करत संस्था एक्ज़ेक्ट फ़ाउण्डेशन म पढ़ाई करत हे। वर्षा धु्रव के दुनों हाथ नइ हे, फेर वो अपन पांव ले सब्बो काम कर लेथे।
