रायपुर, 21 अगस्त 2024। मुख्यमंत्री श्री विष्णु देव साय ह स्वतंत्रता संग्राम सेनानी स्वर्गीय श्री वामनराव लाखे के आज 21 अगस्त के पुण्यतिथि म ओ मन ल नमन करे हें। श्री साय ह ऊंखर अमूल्य योगदान के सुरता करत कहिन के श्री लाखे ह छत्तीसगढ़ म सहकारिता के माध्यम ले किसान मन संग लाखों मनखे मन के आर्थिक विकास के मजबूत आधारशिला रखिन। उमन रायपुर म सहकारी बैंक के स्थापना करिन। राष्ट्रीय स्वतंत्रता संग्राम के समय उमन छत्तीसगढ़ म जन-जागरण बर अपन अमूल्य योगदान दीन। खादी के प्रचार-प्रसार के संग शिक्षा के विकास बर घलोक ओ मन सक्रिय रहिन। छत्तीसगढ़ म पहली मासिक पत्रिका के प्रकाशन के श्रेय घलोक लाखे जी ल जाथे।
मुख्यमंत्री श्री साय ह कहिन के लाखे जी आजीवन सहकारी संगठन मन के मजबूती बर लगे रहिन। ऊंखर उदीम के सेती ही आज सहकारिता के माध्यम ले लाखों मनखे मन के रोजगार अऊ आगू बढ़े के सपना सच होवत हे। सहकारिता के क्षेत्र म श्री लाखे जी के योगदान ल सदा याद करे जाही।
