बलौदाबाजार, 21 अगस्त 2024। मुख्यमंत्री श्री विष्णु देव साय के हुकुम म दू दिव्यांग मन ल स्मार्ट केन डिवाइस अऊ बैटरी चलित ट्राई सायकल प्रदान करे गए हे, जेखर से अब ओ मन ल आए-जाए म दूसर उपर निर्भर नइ रहना परय।
बलौदाबाजार-भाटापारा जिला क़े ग्राम लटुवा निवासी दृष्टिबाधित दिव्यांग 13 वर्षीय ओमकुमारी कन्नौजे ल समाज कल्याण विभाग ह स्मार्ट केन डिवाइस प्रदान करिस। स्मार्ट केन डिवाइस सेंसरयुक्त स्टिक ये, जेन आगू कोनो बड़े चीज आए म कंपन्न अउ अवाज करथे। जेन ल हाथ म लेके चलइया मनखे सचेत हो जाथे। ए स्टिक ले दृष्टिबाधित मनखे ल चले -फिरे म अड़बड़ सहूलियत होथे। कलेक्टर ह दिव्यांग ओमकुमारी ले वोखर स्वास्थ्य संबधित जायजा लेत पढ़ाई क़े बारे म घलोक जानकारी हासिल करिन। कलेक्टर ह कहिन के दृष्टिबाधित मन के पढ़ाई ब्रेल लिपि क़े माध्यम ले हो सकत हे। पढ़े क़े इच्छुक होही त प्रशासन पूरा सहयोग करही। उमन समाज कल्याण विभाग क़े अधिकारी ल ओमकुमारी के पढ़ाई बर जरूरी व्यवस्था करे क़े निर्देश दीन। उमन ओमकुमारी के अलग राशन कार्ड नइ होए म खाद्य अधिकारी ल तलब करके तुरंत नवा राशन कार्ड बनवाए के घलोक निर्देश दीन। अलग राशन कार्ड बन जाय ले अब ओमकुमारी ल जादा खाद्यान्न मिल सकही।
अइसनहे कलेक्टर ह बलौदाबाजार विकासखंड अंतर्गत ग्राम खम्हारिया यदु निवासी 35 वर्षीय सोनमती धृतलहरे ल मोटराइज्ड ट्राई सायकिल प्रदान करिस। सोनमती धृतलहरे ह बताइस के अब आए जाय म दिक्कत नइ होही। अब में खुदे ट्राई-सायकिल के माध्यम ले आ जाके अपन काम कर सकत हंव। वो ह मोटराइज्ड ट्राई सायकिल मिले म जिला प्रशासन अउ राज्य सरकार के प्रति आभार व्यक्त करे हे।
