राज्यपाल ह पर्यावरण संवर्धन बर सबो ले एक पेड़ लगाय के करिन आह्वान
दुर्ग, 21 अगस्त 2024। राज्यपाल श्री रमेन डेका ह जल अउ पर्यावरण संरक्षण बर सामुदायिक सहभागिता उपर जोर देवत पर्यावरण संवर्धन बर सबो ले एक पेड़ लगाय के आह्वान करे हें। राज्यपाल श्री डेका ह दुर्ग जिला म आयोजित प्रशासनिक अधिकारी मन के बैठक म ओ आशय के विचार व्यक्त करिन।
राज्यपाल ह जिला म कई ठन केंद्रीय योजना मन के क्रियान्वयन के जानकारी लीन। उमन केंद्र अउ प्रदेश सरकार के कई ठन योजना मन के अलावा सामाजिक हित बर जिला म होवत काम मन के घलोक जानकारी लीन। राज्यपाल श्री डेका ह कहिन कि सरकार के योजना मन के सफल क्रियान्वयन अधिकारी मन अउ कर्मचारी मन ले सुनिश्चित करे जात हे। कल्याणकारी योजना मन के बेहतर क्रियान्वयन ले एकर लाभ जन-जन तक पहुंचथे। उमन अधिकारी मन ल दायित्व के निर्वहन कर्तव्यनिष्ठा, ईमानदारी अऊ समर्पण के भावना ले करे ल कहिन।
राज्यपाल श्री डेका ह अधिकारी मन ले एजेण्डावार 20 विषय मन म विचार-विमर्श करिन। संगेच ए म प्रशासनिक अधिकारी मन ले सुझाव आमंत्रित करिन। कलेक्टर सुश्री ऋचा प्रकाश चौधरी ह जिला के योजना मन के संबंध म पॉवर पांइट प्रेसेन्टेशन दीन। बैठक म संभागायुक्त श्री एस.एन. राठौर, पुलिस महानिरीक्षक श्री रामगोपाल गर्ग, पुलिस अधीक्षक श्री जितेन्द्र शुक्ला, संग आन प्रशासनिक अधिकारी उपस्थित रहिन।
