बस्तर सांसद श्री महेश कश्यप अऊ जनप्रतिनिधि मन ह हरी झंडी देखाके बस ल करिन रवाना
जगदलपुर, 22 अगस्त 2024। राज्य शासन के श्री रामलला दर्शन योजनान्तर्गत जिला के 87 श्रद्धालु बुधवार के श्री रामलला दर्शन बर जय श्रीराम उद्घोष के संग अयोध्या धाम रवाना होइन। ए मौका म बस्तर सांसद श्री महेश कश्यप अऊ आन जनप्रतिनिधि मन ह स्थानीय टाऊन हॉल परिसर म हरी झंडी देखाके श्रद्धालु मन के बस ल रवाना करिन। ए बेरा म श्रद्धालु मन ल पुष्प भेंटकरके ओ मन ल श्री रामलला दर्शन बर बधाई देहे गीस।
ए मौका म सांसद श्री कश्यप ने सबो श्रद्धालु मन ल सकुशल यात्रा के बधाई देवत कोनो दिक्कत होए म अपन सहयोगी अउ कर्मचारी मन ले तुरंत सम्पर्क करे के आग्रह करिन। सबके संग, सबके विकास के संग बस्तर के जनता ल धार्मिक स्थल के भ्रमण करवाए के योजना संचालित करके लाभ देहे जात हे। भगवान राम के नाता छत्तीसगढ़ ले रहे हे हमर राज्य तो ओखर ननिहाल हे अऊ वनवास के समय लगभग 12 साल हमार दण्डकारण्य म गुजारे हे। ए रामलला दर्शन योजना ले सरकार ह आम जन ल भगवान राम ले जोड़े के पहल करे हे एखर बर आभार हे।
ए श्रद्धालु मन के संग ऊंखर सहयोगी घलोक जावत हें संगेच प्रशासन कोति ले समुचित देखभाल बर कर्मचारी मन के नामजद ड्यूटी लगाए गए हे। जिला के ए श्रद्धालु मन के जत्था बस्तर अउ दुर्ग संभाग के श्रद्धालु मन के संग दुर्ग रेलवे स्टेशन ले विशेष ट्रेन के संग सीधा अयोध्या धाम प्रस्थान करही। टाऊन हॉल म श्रद्धालु मन ल रवाना करे के अवसर म पार्षद श्री संतोष पांडेय स्थानीय जनप्रतिनिधि संग जिला पंचायत के उप संचालक श्री बीरेन्द्र बहादुर अउ आन अधिकारी अऊ श्रद्धालु मन के परिजन अउ गणमान्य नागरिक मौजूद रहिन।
