महासमुंद, 27 अगस्त 2024। कलेक्टर श्री विनय लंगेह के बताए रद्दा अउ मुख्य कार्यपालन अधिकारी जिला पंचायत, श्री एस. आलोक के मार्गदर्शन म जिला के सबो विकासखण्ड के संकुल संगठन म लखपति दीदी मन के संग प्रधानमंत्री जी के संवाद कार्यक्रम ल देखाए गीस अउ आजीविका गतिविधि ले लाभ प्राप्त करके लखपति बने 2380 लखपति दीदी मन ल प्रमाण-पत्र देके सम्मानित करे गीस।
ग्रामीण विकास मंत्रालय, अंतर्गत राष्ट्रीय ग्रामीण आजीविका मिशन एनआरएलएम के तहत भारत के प्रधानमंत्री श्री नरेन्द्र मोदी ह महाराष्ट्र के जलगाँव ले देश भर के लखपति दीदी मन ल वर्चुअल माध्यम ले सम्बोधित करे रहिन। ए कार्यक्रम के तहत जिला म 273 स्व-सहायता समूह ल 6 करोड़ 44 लाख 55 हजार बैंक ऋण बांटे गए हे अउ रिवाल्विंग फण्ड अउ सीआईएफ तको बांटे गए हे। ए अवसर म सबो जनपद के महिला स्व-सहायता समूह, ग्राम संगठन व संकुल संगठन के सदस्य अउ स्टाफ उपस्थित रहिन।
