अब हर महीना चावल, नमक, शक्कर मिलही अऊ जरूरी सुविधा
गरियाबंद, 1 सितमबर 2024। प्रदेश म विशेष पिछड़ी जनजाति परिवार मन ल कई ठन योजना मन ले लाभान्वित करे बर पीएम जनमन शिविर के आयोजन हरेक दिन करे जात हे। इही कड़ी म गरियाबंद जिला म शिविर के माध्यम ले पीवीटीजी कमार सदस्य मन ल विकास के मुख्य धारा म लाय बर मूलभूत सुविधा मन ले लाभान्वित करे जात हे। इही कड़ी म जनपद पंचायत गरियाबंद अंतर्गत ग्राम पंचायत मरोदा के आश्रित ग्राम बम्हनी म पीएम जनमन शिविर आयोजित करे गीस।
शिविर म 07 कमार जनजाति के हितग्राही मन ल मौका म ही नवा राशन कार्ड बना के देहे गीस, जेमां चमरू कमार, कमला बाई कमार, सावित्री कमार, बृज बाई, आसबती कमार, श्याम बाई अउ फुलेश्वरी कमार ल राशन कार्ड दे गीस। नवा राशन कार्ड बन जाय ले अब ऊंखर परिवार ल हर महीना रियायत दर म चांवल, शक्कर अउ नमक संग खाद्यान्न मिलही। संग ही अब पास के शासकीय उचित मूल्य के दुकान ले आसानी ले ये उमन खाद्य सामान प्राप्त कर सकही। राशन कार्ड बन जाय ले सबो सदस्य मन ह खुशी जतात मुख्यमंत्री श्री विष्णु देव साय शासन के आभार जताए हें।
अइसनहे शिविर म स्वास्थ्य विभाग कोति ले 45 कमार परिवार के बीपी, शुगर हेल्थ चेकअप घलोक करे गीस अऊ जस्रत के मुताबिक निःशुल्क दवइ तको बांटे गीस। शिविर म जनाबाई कमार ल आयुष्मान कार्ड प्रदान करे गीस। कृषि विभाग कोति ले कमलेश कमार ल रागी वितरण करे गीस। भुवनेश्वर कमार के आधार कार्ड अउ महेंद्र के किसान क्रेडिट कार्ड स्थल म बनाके प्रदान करे गीस। एखर अलावा अधिकारी-कर्मचारी मन ह कमार बस्ती म जाके केन्द्र अउ राज्य सरकार के कई ठन योजना मन के लाभ के बारे म गांव वाले मन ल विस्तार ले जानकारी दीन। ए बेरा म शिविर म श्री अमजद जाफ़री, मुख्य कार्यपालन अधिकारी जनपद पंचायत गरियाबन्द श्री राकेश साहू, विकास विस्तार अधिकारी, श्री दुर्गेश प्रसाद साहू क्षेत्रीय समन्वयक, सरपंच अऊ पंच अउ ग्रामवासी मौजूद रहिन।
