रायपुर, 2 सितंबर 2024। छत्तीसगढ़ राज्य गौ संरक्षण अउ संवर्धन समिति कोति ले पूरा छत्तीसगढ़ राज्य म स्कूल अउ कॉलेज के पढ़ईया लईका मन बर गौ विज्ञान परीक्षा के आयोजन करइया हे। ए अभियान के श्री गणेश पोला पर्व के पूर्व संध्या म पोस्टर विमोचन मुख्यमंत्री श्री विष्णुदेव साय के उपस्थिति म मुख्यमंत्री निवास म आयोजित होइस।
परीक्षा आयोजन के जानकारी देवत प्रांत संयोजक श्री इरन्ना सपारे अउ प्रांत परीक्षा प्रमुख श्री सुबोध राठी ह बताइस के विद्यालय अउ महाविद्यालय स्तर म आयोजित होवइया ये परीक्षा 11 दिसंबर गीता जयंती के दिन पूरा प्रांत म एक संग होही। पूरा प्रदेश म 5 लाख विद्यार्थी ए परीक्षा म सम्मिलित होहीं।
