जशपुरनगर, 03 सितमबर 2024/ मुख्यमंत्री श्री विष्णु देव साय ह विशेष पिछड़ी जनजाति पहाड़ी कोरवा के परिवार ल आगू बढ़ाए बर स्वास्थ्य शिक्षा, कौशल विकास, ओखर आर्थिक विकास अऊ रोजगार के साधन उपलब्ध कराए के विशेष प्रयास करत हे।
मुख्यमंत्री श्री साय विशेष पिछड़ी जनजाति पहाड़ी कोरवा परिवार के मनखे मन के स्वास्थ्य बर घलोक सजग हे। इही कड़ी म जिला प्रशासन के अमला शिविर लगाकर उंखर समस्या मन के समाधान करत हे। पीएम जनमन शिविर बगीचा विकासखंड के ग्राम पंचायत खाखरा म पहाड़ी कोरवा परिवार मन बर शिविर के आयोजन करे गीस। जेमां कुल 21 मनखे मन के आयुष्मान कार्ड बनाए गीस अऊ 46 मनखे के स्वास्थ्य जांच कर निःशुल्क दवाई प्रदान करे गीस। स्वास्थ्य विभाग के टीम शिविर म विशेष पिछड़ी जनजाति पहाड़ी कोरवा परिवार के खून जांच, मलेरिया जांच, शुगर जांच प्राथमिकता ले करत हे अऊ जरूरत मुताबिक स्वास्थ्य परामर्श घलोक देहे जात हे।
