रायपुर, 4 सितमबर, 2024। उपमुख्यमंत्री अउ गृहमंत्री श्री विजय शर्मा काली अपन बिलासपुर दउरा के बेरा म पुलिस विभाग के बिलासपुर रेंज के समीक्षा बैठक लेंहीं। ए बैठक म छत्तीसगढ़ शासन के गृह अउ जेल विभाग के अपर मुख्य सचिव, पुलिस महानिदेशक, गृह विभाग के सचिव, बिलासपुर रेंज के पुलिस महानिरीक्षक, अऊ बिलासपुर रेंज के जिला मन के पुलिस अधीक्षक उपस्थित रइहीं।
बैठक म लंबित गंभीर अपराध के स्थिति, ब्लाइंड मर्डर के अनसुलझे मामला, चाकूबाजी, तलवारबाजी अऊ फायरिंग के मामला मन के समीक्षा करे जाही। एखर संगेच लंबित मर्ग के प्रकरण, राष्ट्रीय अऊ राज्य मानव अधिकार आयोग के लंबित मामला मन के स्थिति के घलोक समीक्षा करे जाही। महिला अऊ बाल अपराध के लंबित प्रकरण मन उपर चर्चा अऊ पीड़ित मन ल क्षतिपूर्ति देहे, मानव तस्करी के लंबित मामला, गुमशुदा महिला, पुरुष अऊ लइका मन के प्रकरण, अनुसूचित जाति अऊ जनजाति उपर घटित अपराधों अउ राहत राशि के वितरण के स्थिति के समीक्षा करे जाही। चिटफंड प्रकरण मन के अपडेट स्थिति, एनडीपीएस अधिनियम के तहत दर्ज मामला मन के जांच के प्रगति अऊ मादक पदार्थ मन के नष्ट करे के प्रक्रिया, गौवंश ले संबंधित अपराध, वाहन जब्ती अऊ राजसात के कार्यवाही, जिला के कानून व्यवस्था के संबंध म आगामी कार्ययोजना मन अऊ जिला म लागू करे जात बेस्ट प्रैक्टिस उपर चर्चा करे जाही। अकतहा पुलिस अधीक्षक अऊ उप पुलिस अधीक्षक मन के महत्वपूर्ण काम मन के समीक्षा तको करे जाही।
