इंदिरा गाँधी कृषि विश्वविद्यालय के कृषि मंडपम म होही कार्यक्रम के आयोजन
रायपुर, 15 सितंबर 2024/ मुख्यमंत्री श्री विष्णु देव साय के अगुवई म म प्रदेश के कमईया मन के हित म बहुत अकन कल्याणकारी योजना संचालित करे जात हे। जेखर सीधा लाभ कमईया मन अउ ऊंखर परिवार के सदस्य मन ल मिलत हे। उद्योग मंत्री श्री लखन लाल देवांगन ह बताइस कि मुख्यमंत्री श्री विष्णु देव साय 17 सितंबर विश्वकर्मा जयंती के बेरा म ‘श्रमिक सम्मेलन‘ म 57 हजार ले जादा पंजीकृत कमईया मन अउ ऊंखर परिवार के सदस्य मन ल 49 करोड़ 43 लाख 52 हजार 294 रूपिया केन्द्रीकृत डी.बी.टी. के माध्यम ले बांटहीं। ये सम्मेलन राजधानी के इंदिरा गाँधी कृषि विश्वविद्यालय जोरा के कृषि मंडपम म आयोजित होही।
श्रम विभाग के अधिकारी मन ह आज इहां बताइन के प्रदेश के पंजीकृत श्रमिक अउ ऊंखर परिवार के सदस्य मन ल श्रम विभाग के अधीन छत्तीसगढ़ भवन अउ आन सर्न्न्मिाण कर्मकार कल्याण मंडल के अंतर्गत 47 हजार 726 निर्माण कमईया मन 38 करोड़ 37 लाख 10 हजार 652 रूपिया, छत्तीसगढ़ असंगठित कर्मकार राज्य सामाजिक सुरक्षा मंडल अंतर्गत 6873 कमईया मन ल 9 करोड़ 86 लाख 58 हजार 500 रूपिया अउ छत्तीसगढ़ श्रम कल्याण मंडल अंतर्गत 2496 कमईया मन ल 1 करोड़ 19 लाख 83 हजार 142 रूपिया के राशि डी.बी.टी. ले वितरण करहीं। ए प्रकार ले कुल 57 हजार 95 कमईया मन ल कुल राशि 49 करोड़ 43 लाख 5 हजार 229 रूपिया के वितरण केन्द्रीयकृत डी.बी.टी. के माध्यम ले करे जाही।
