बगिया, 15 सितंबर 2024। मुख्यमंत्री श्री विष्णु देव साय के पहल म बगिया म खोले गए, मुख्यमंत्री कैंप कार्यालय म मनखे मन के मांग अऊ समस्या मन के सामाधान के क्रम सरलग जारी हे। इहां आयोजित जनदर्शन म मनखे बड़ उम्मीद के संग पहुंचत हें। ऊंखर आवेदन मन ल पूरा संवेदनशीलता के संग जल्दी निराकरण करे जात हे।
इही कड़ी म ग्राम सोकोडिपा म ट्रांसफार्मर खराब होए के सेती बिजली आपूर्ति बाधित होवत रहिस। मुख्यमंत्री कैंप कार्यालय के निर्देश म तुरंत इहां ट्रांसफार्मर लगाए गीस, जेखर से बिजली आपूर्ति फेर बहाल हो गए हे। गांव वाले मन ह एखर बर मुख्यमंत्री श्री विष्णु देव साय के प्रति आभार व्यक्त करे हें।
हाथी विचरण क्षेत्र होए के सेती ले बिजली के पहुंच दूरस्थ क्षेत्र मन म घलोक निर्बाध रूप ले जारी रहय एखर बर कैंप कार्यालय के निर्देश म समस्या आए म तुरंत ट्रांसफार्मर लगाय, ग्रिप चेंज, लाईन सुधारे के काम करे जात हे, एखर से गांव वाले मन ल बड़ राहत मिले हे।
