कोरबा, 16 सितंबर 2024। नगर निगम क्षेत्र के वॉर्ड नंबर 48 सेमीपाली बस्ती म आयोजित भूमिपूजन कार्यक्रम म मंत्री श्री लखन लाल देवांगन ह जिला खनिज न्यास मद ले वॉर्ड नंबर 47 जमनीपाली केपीएस स्कूल तीर ले रमला देवी ले होत ग्राम सभा भवन के आगू तक नाली निर्माण, गोपालपुर म कोसगाई दाई प्रांगण चबुतरा म छत के निर्माण लागत राशि 7.99 लाख, वॉर्ड नंबर 48 प्राथमिक शाला सेमीपाली म नवीन भवन के निर्माण काम लागत 13.64 लाख, वार्ड नंबर 53 तुलसी नगर स्वीपर मोहल्ला म पंडाल निर्माण काम लागत 4.95 लाख के काम मन के भूमिपूजन करिन।
ए बेरा म मंत्री श्री देवांगन ह कहिन के अइसन कोनो वार्ड, बस्ती या फेर क्षेत्र विकास काम मन ले वंचित झन रहय। जतका निधि या मद हे ओखर सदुपयोग करत प्राथमिकता तय करे गए हे। श्री विष्णु देव सरकार के मंशा हे के सबो वार्ड म एक संग विकास काम चालू करे जाय। एखर बर डीएमएफ, अधोसंरचना मद के अलावा आन मद ले काम मन ल तत्काल स्वीकृत करा के चालू करे जात हे। सड़क नाली के संगें-संग आन अधोसंरचना के काम जइसे मंच, सामुदायिक भवन अऊ पंडाल समेत आन काम घलोक चालू करे जात हे। मंत्री श्री देवांगन ह कहिन के अभी एक हफ्ता पहिलीच मुख्यमंत्री ह कोरबा शहर ल 7 करोड़ के विकास काम मन के स्वीकृति देहे हे, एखर सूची म घलोक सबो वार्ड के जरूरी काम मन ल स्वीकृत करे गए हे। टेंडर प्रक्रिया पूरा होतेच काम चालू करे जाही। ए अवसर म वार्ड पार्षद श्री विजय साहू ह कहिन के बीते साढ़े 4 साल ले सड़क अऊ नाली निर्माण बर परेशान रहेन, वार्ड के संग भेदभाव करे जात रहिस। मंत्री श्री देवांगन ह सिरिफ 8 महीना म ही सबो रुके काम मन ल पास करके आज काम चालू करत हे।
ए बेरा म वॉर्ड नंबर 16 के पार्षद नरेंद्र देवांगन, एमआईसी सदस्य सुनील पटेल, वॉर्ड नंबर 48 के पार्षद श्री विजय साहू, वार्ड नंबर 47 के पार्षद पुष्पा देवी कंवर, बूथ अध्यक्ष थनेस्वर सिंह, अतिराम कंवर, विशाल सिंह, रतन बाई, कलेश कंवर, सुमित्रा कंवर, नकुल सिंह, आनंद सिंह कंवर, सुमिरन सिंह समेत जादा संख्या म वॉर्ड वासी उपस्थित रहिन।
