रायपुर, 16 सितंबर 2024। मुख्यमंत्री श्री विष्णु देव साय 17 सितमबर के ‘‘स्वच्छता ही सेवा अभियान 2024’’ म सामिल होही। राजधानी रायपुर के तेली बांधा परिसर रायपुर म भिनसरहा 8 बजे ले आयोजित ए कार्यक्रम के अध्यक्षता उपमुख्यमंत्री श्री अरूण साव करहीं।
कार्यक्रम म स्वच्छता बर सामूहिक श्रम दान, स्वच्छता मैराथन के शुभारंभ, सफाई मित्र मन के सम्मान, पी.पी.ई. कीट के वितरण, पक्षी संरक्षण जागरूक अउर वेस्ट टू बेस्ट के तहत गौरया कलाकृति के लोकार्पण, गांधी उद्यान म ‘‘एक पेड़ मां के नाम’’ वृक्षारोपण अऊ स्वच्छता ही सेवा बर शपथ ग्रहण देवाए जाही।
कार्यक्रम म उपमुख्यमंत्री श्री विजय शर्मा, वन मंत्री श्री केदार कश्यप, लोकसभा सांसद श्री बृजमोहन अग्रवाल, विधायक सर्व श्री राजेश मूणत, अनुज शर्मा, मोती लाल साहू, पुरंदर मिश्रा, गुरू खुशवंत साहेब, इन्द्रकुमार साहू, महापौर श्री एजाज ढेबर, जिला पंचायत अध्यक्ष श्रीमी डोमेश्वरी वर्मा अउर नगर निगम नेता प्रतिपक्ष श्रीमती मीनल चौबे विशिष्ट अतिथि के रूप म सामिल होही।
