पारंपरिक खेती छोड़ डच रोज़ के खेती ले होवत हे मालामाल
कोरबा, 19 सितमबर 2024। आज के समय म पारंपरिक खेती के तुलना म बागवानी या फूल के खेती किसान मन बर जादा मुनाफा देवइया खेती साबित होवत हे। मुख्य रूप ले गुलाब के खेती कोति किसान मन के रुझान बाढ़त हे। गुलाब के मांग पूरा साल भर बने रहिथे। संगेच तिहार, बिहाव समारोह अउ कई ठन आयोजन मन के समय एखर मांग बाढ़ जाथे। धान के पैदावार बर पहिचान रखइया छत्तीसगढ़ के कोरबा जिला के कटघोरा विकासखण्ड के कुमगरी के रहइया श्रीमती रजनी कंवर ह गुलाब के खेती करके एक मिसाल कायम करे हे अऊ दूसर किसान मन बर प्रेरणास्रोत बने हे। रजनी ह विभागीय सहायता ले डच रोज़ के खेती शुरू करिस अऊ आज 30 हजार ले जादा के हर महीना कमाई करत हे। पाछू 5 महिना म ही ओला 3 लाख ले जादा रूपिया के शुद्ध मुनाफा होय हे।
