उप मुख्यमंत्री श्री अरुण साव ह ‘स्वच्छता ही सेवा’ पखवाड़ा के थीम सांग ल करिन लॉन्च

‘स्वच्छता परमो धर्म:’ हमर परंपरा के हिस्सा – श्री अरुण साव
रायपुर, 24 सितमबर 2024। उप मुख्यमंत्री श्री अरुण साव ह आज रायपुर के सिविल लाइन स्थित अपन निवास कार्यालय म ‘स्वच्छता ही सेवा’ पखवाड़ा के थीम सांग ल लॉन्च करिन। ए गाना म ‘स्वच्छता परमो धर्म:’ ल रेखांकित करत मनखे मन ल ‘स्वच्छता ही सेवा’ पखवाड़ा म जनभागीदारी बढ़ाय बर प्रेरित करे गए हे।
उप मुख्यमंत्री श्री अरुण साव ह थीम सांग ल लॉन्च करत कहिन के शहर मन ल स्वच्छ अऊ सुंदर बनाए खातिर राज्य के सबो नगरीय निकाय मन म 17 सितमबर ले 2 अकटूबर तक ‘स्वभाव स्वच्छता-संस्कार स्वच्छता’ के थीम म स्वच्छता पखवाड़ा के आयोजन करे गए हे। हमार देश के परंपरा म स्वच्छता के हमेशा ले ही संस्कार रहे हे। ‘स्वच्छता परमो धर्म:’ के ध्येय ल आगू रखके हम पूरा प्रदेश म अभियान चलावत हन। ‘स्वच्छता ही सेवा’ पखवाड़ा के समय सबो नगरीय निकाय मन म मनखे मन ल स्वच्छता के प्रति जागरुक अऊ प्रेरित करे अउ साफ-सफाई के काम मन म जनभागीदारी बढ़ाय अलग-अलग प्रकार के गतिविधि संचालित करे जात हे।