कोरबा, 30 सितंबर 2024। विष्णु देव के सरकार म नगरीय क्षेत्र मन म बहुत अकन विकास काम कराए जात हे। शहरी क्षेत्र मन म विकास काम मन बर राशि के कमी आड़े नइ आवय। ए बात प्रदेश के वाणिज्य, उद्योग अऊ श्रम मंत्री श्री लखन लाल देवांगन ह आज सोमवार कोरबा नगर निगम क्षेत्र के दर्री जोन के 6 वार्ड म 41.42 लाख रूपिया के लागत के कई ठन विकास काम मन के आधारशिला रखत कहिन। ए बेरा म मंत्री श्री देवांगन ह सबो वार्ड पार्षद अऊ आम जनमानस के सबो विकास काम मन के विधिवत पूजन अर्चना कर भूमिपूजन करिन।
ए बेरा म मंत्री श्री देवांगन ह कहिन कि एके प्रयास हे के हर वार्ड म जतका रुके काम हे, वोला जल्द ले जल्द चालू करे जाए।एखर बर हर वार्ड के काम मन ल सामिल करे गए हे, अऊ संगेच काम शुरू घलोक कराएं जात हे। मंत्री श्री देवांगन ह कहिन कि विधानसभा चुनाव के समय वार्ड मन म दौरा के समय जनता ह जेन प्रमुख काम मन के मांग करे रहिन। वो मन ल स्वीकृत करा ले गए हे। सड़क, नाली, बिजली अऊ स्ट्रीट लाइट के काम ले वंचित वार्ड मन के होए ले मनखे मन ल होवत परेशानी ले निजात मिल जाही। मंत्री श्री देवांगन ह कहिन कि विकास काम बिना भेदभाव के कराएं जात हे।
