रायपुर, नवरात्र परब म देश के प्रधानमंत्री श्री नरेन्द्र मोदी कोति ले देहे गए गांरटी के तहत कबीरधाम जिला के 22 हजार ले जादा आवासहीन परिवार के खुद के पक्का मकान बनाए के सपना पूरा होवया हे। जानबा हे के मुख्यमंत्री श्री विष्णु देव साय के नेतृत्व म राज्य म आवासहीन परिवार ल प्रधानमंत्री आवास योजना के अंतर्गत पक्का मकान उपलब्ध कराए बर तेजी ले आवास के स्वीकृति देहे जात हे संगेच ओखर निर्माण काम घलोक कराए जात हे।
कबीरधाम जिला म आवासहीन परिवार ल खुद के पक्का मकान उपलब्ध कराए बर प्रधानमंत्री आवास मेला के आयोजन 9 अकटूबर ले होवत हे। ए मेला के शुभारंभ पीजी कॉलेज स्टेडियम (डोम) म उप मुख्यमंत्री श्री विजय शर्मा करहीं। ए मौका म श्री शर्मा जिला म प्रधानमंत्री आवास योजना के 18 हजार लाभार्थि मन ल स्वीकृति पत्र अउ प्रधानमंत्री आवास योजना के तहत बनाय गे 4 हजार आवास के लाभार्थी मन ल गृह प्रवेश बर चाबी सौपहीं। जानबा हे के कबीरधाम जिला म 30,944 आवासहीन ग्रामीण परिवार बर घर स्वीकृत के कार्रवाई करे जात हे। जेमां पहिली चरण म 18848 आवास के स्वीकृति देहे गए हे अउ बांचे हितग्राही मन ल जल्दीच घर बनवाए बर स्वीकृति दे जाही।
कबीरधाम जिला के 22 हजार परिवार के पक्का मकान के सपना होही पूरा
