सोलर ड्यूल पंप ले अब गांव मन म मिलत हे शुद्ध पेयजल
मोहला, मोहला-मानपुर-अं.चौंकी के अइसन पहुंच विहीन वनांचल अउ दुर्गम ग्राम जिहां बिजली नइ होए के सेती विद्युत पंप के स्थापना संभव नइ रहिस। अइसन जगा मन म क्रेडा ह सोलर ड्यूल पंप के स्थापना के काम चालू करे हे जे ह जल जीवन मिशन योजनांतर्गत करे जात हे। येमा सार्वजनिक बोर म सौर ऊर्जा चलित सबमर्सिबल पंप ले पानी निकाले जाथे अउ जल के उद्वहन करके 10,000 लीटर क्षमता के ओवर हैंड वाटर टैंक म जल संग्रहण करे जाथे।
सोलर पंप के स्थापना ले ग्रामवासी मन ल 24 घंटा श्रम रहित शुद्ध जल उपलब्ध हो जथे। अब ओ मन ल पानी लाय बर दूरिहा नइ जाना परत हे। अब तक जिला जिला-मोहला-मानपुर-अं.चौंकी म जल जीवन मिशन योजनांतर्गत कुल 461 नग सोलर ड्यूल पंप के स्थापना होए हे।
लोक स्वास्थ्य यांत्रिकी विभाग कोति ले जल जीवन मिशन योजनांतर्गत सोलर ड्यूल पंप स्थापना बर सुझाए गये जगा मन म क्रेडा ले तकनीकी परीक्षण उपरांत संयंत्र स्थापना के काम करे जात हे अउ लोक स्वास्थ्य यांत्रिकी विभाग कोति ले संयंत्र ले पाईप लाईन नल कनेक्शन करके पानी घर-घर तक पहुचाए जात हे। सोलर पंप के स्थापना ले ग्राम वासी मन ल अब अपन घरे म पेयजल मिलत हे। जेखर से ओ मन स्वच्छता कोति आकर्षित होके अपन रहन सहन अउ जीवन शैली म सुधार कररत हें।
मोहला : विद्युत विहीन गांव मन बर वरदान साबित होइस सोलर ड्यूल पंप
