दावा आपत्ति प्राप्त करे के आखरी तारीक म एक हफ्ता के बढ़ोतरी
27 नवंबर के होही निर्वाचन नामावली के आखरी प्रकाशन
रायपुर, छत्तीसगढ़ राज्य निर्वाचन आयुक्त श्री अजय सिंह ह बताइस के आयोग कोति ले पहिली जारी नगर पालिका निर्वाचन नामावली पुनरीक्षण कार्यक्रम के तारीक म आंशिक संशोधन करे गए हे। उमन बताइन के कुछ जिला मन ले निर्वाचक नामावली के संबंध म दावा आपत्ति प्राप्ति के आखरी तारीक बढ़ाए के अनुरोध करे गए रहिस। जिला मन ले मिले अनुरोध म आयोग ह विचार उपरांत पूर्व म दावा आपत्ति प्राप्त करे की निरधारित आखरी तारीक 23 अकटूबर म 1 हफ्ता के बढ़ोतरी करे हे।
राज्य निर्वाचन आयुक्त श्री अजय सिंह ह बताइस के जारी संशोधित कार्यक्रम के मुताबिक अब दावा आपत्ति प्राप्त करे के आखरी तारीक अउ समय 30 अकटूबर 2024 बुधवार मंझन 3 बजे तक अउ दावा आपत्ति के निपटारा के आखरी तारीक सुकरवार 8 नवंबर 2024 निरधारित करे गए हे।
अइसनहे प्ररूप क-1 म रजिस्ट्रीकरण अधिकारी/सहायक रजिस्ट्रीकरण अधिकारी ल दावा प्रस्तुत करे के आखरी तारीक सुकरवार 08 नवम्बर 2024 तक अउ प्ररूप क-1 म प्राप्त दावा के निराक़रण करे के आखरी तारीक मंगलवार 12 नवम्बर 2024 तक निरधारित करे गए हे।
