मुख्यमंत्री ह फोन म गोठियाइस सीआरपीएफ़ बस्तरिया बटालियन के जवान प्रमिका दुग्गा के दाई संग – घर आहूँ त चापड़ा चटनी खवाहू नहीं ? – जब भी आप आहू, बज्जुर खवाहूँ

रायपुर, 20 नवंबर 2024

आपकी बेटी इहां बहुत अच्छा देश सेवा म लगे हे। अभीन आपके बेटी ले मिले हाववं… मैं जब भी नारायणपुर आहूं तब आप सबो झिन संग मुलाकात करहूँ। जवान अउ किसान मन ले ही धान के कटोरा ह सुरक्षित अउ समृद्ध हे। जवान अउ किसान हमार देश के दू ठिन मजबूत खंभा हरे अउ जय जवान-जय किसान के भाव हम सबो के हृदय म हे। एक कोति जिहां जवान देश के सुरक्षा म डटे हें, उहंेंचे दूसर कोति अन्नदाता किसान हें, जऊन हमार अन्न के जरूरत  ल पूरा करत हावय। येह संवाद अइसे लगत रिहिसे, मानों घर ले दूरिहा कोनो अपन उन्कर बेटी संग मिलीस अउ ओकर शोर खबर उन ल देवत हावय।

बस्तर जिला के सेडवा स्थित सीआरपीएफ के बस्तरिया बटालियन म रतिहा विश्राम करके अगले दिन बिहनिया लहुटती बेरा मुख्यमंत्री ह कैंप म जवान मन ले विदा लेवत खानी बस्तरिया बटालियन के जवान प्रमिका दुग्गा से उन्कर हाल-चाल पूछीन। गोठ बात के बीच म मुख्यमंत्री ह ओकर परिजन मन संग बात करे के इच्छा जताईस। तब प्रमिका ह मोबाइल ले अपन महतारी श्रीमती मोतीबाई ल फोन लगाइस अउ मुख्यमंत्री संग बात कराईस।

मुख्यमंत्री श्री साय ह मोबाइल म गोठियावत खानी प्रमिका के महतारी ले घर के सबो सदस्य के हाल-चाल जानीस अउ सबो के स्वास्थ्य के जानकारी लीन। प्रमिका के महतारी ले खेत मन म धान कटाई के बारे म तको पूछीस। खेती-किसानी के संबंध म अबड़ अकन बात करीस। मुख्यमंत्री बातचीत के बीच मजाक म श्रीमती मोती बाई ले उन्कर घर आए म चापड़ा चटनी खवाए के बात पूछीस, त उन मन मुख्यमंत्री ले सहज भाव से कहीन कि जब भी आप आहू, चापड़ा चटनी बज्जुर खवाहूँ। मुख्यमंत्री ह प्रमिका के महतारी ल प्रणाम करत हुए बातचीत ल समाप्त करीस।