रायपुर, 23 नवंबर 2024
हर डाँड़ म छिपे हे संदेश। आत्मविष्वास ले भरे हे, सिंगार सिर्फ रूप नहीं येह आत्मविश्वास के प्रतिवेश हरे।
धमतरी जिला के कुरूद म रहइया दिव्यांग समाजसेवी अउ चित्रकार श्री बसंत साहू ल मुख्यमंत्री श्री विष्णुदेव साय ह फोन करके जन्मदिन के बधाई देहे के संगे संग हेलन केलर अवार्ड 2024 ले सम्मानित होए म बधाई दीस हे।
मुख्यमंत्री श्री विष्णुदेव साय ह श्री बसंत साहू ह जन्मदिन अउ सम्मान बर बधाई देवत कहीन कि आप ल हेलेन केलर अवार्ड 2024 मिले के सूचना समाचार के माध्यम से मिलीस। आपके ये उपलब्धि खातिर गाड़ा गाड़ा बधाई।
मुख्यमंत्री श्री साय ह आत्मीयतापूर्ण चर्चा करत बसंत साहू ले कहीन कि जल जगार कार्यक्रम म आपसे मुलाकात होए रिहिसे। हमला आपसे मिलके बहुते अच्छा लगे रिहिसे। आप मन ह साबित कर दिएव कि कठिनाई केवल मानसिक चुनौती होथे। दृढ़ संकल्प ले बड़े से बड़े लक्ष्य ल तको हासिल करे जा सकत हे। मुख्यमंत्री श्री साय ह कहीन कि आपके ये जज्बा व उपलब्धि ले हम गौरवान्वित हवन। आप ल बहुत-बहुत शुभकामना।
जानबा होवय कि समाजसेवी बसंत साहू ल उन्कर दिव्यांगज मन के अधिकार के रक्षा अउ समाज म बरोबर अवसर दिलाए बर करे गए अद्वितीय बूता मन के खातिर हेलन केलर अवार्ड प्रदान करे गे हवय। उनमन अपन कला के माध्यम से छत्तीसगढ़ के लोक कला, परंपरा अउ सामाजिक मुद्दा ल जीवंत रखे हावय। ओकर चित्र मन म छत्तीसगढ़ी लोकनृत्य, पारंपरिक परिधान अउ समाज के समकालीन समस्या मन के समावेश हवय। बसंत के बनाए चित्र मन के संग्रह देश विदेश के अलग अलग महत्वपूर्ण ठउर मन म करे गे हवय, जेमें भारत म राष्ट्रपति भवन, राजभवन, दिल्ली संग्रहालय अउ यूएसए, इंग्लैंड, ऑस्ट्रेलिया के संगे संग कतकोन अकन देश शामिल हे। उनकी कला ह उन ल न केवल छत्तीसगढ़, बल्कि देश अउ विदेश म तको सम्मान दिलाये हवय।
बसंत साहू ह दिव्यागता ल कभू अपन सफलता के राह म रुकावट नइ बनन दिस। ओकर मानना हे कि कठिनाई केवल मानसिक चुनौती होथे यदि मन म दृढ़ संकल्प हो, त कोनो भी बाधा मनखे ल अपन लक्ष्य ल पाए म नइ रोक समय। बसंत साहू के जिनगी केवल एक व्यक्तिगत संघर्ष के कहानी नोहय भलकुन येह उन जम्मो बर प्रेरणा हे जेन जिनगी के की कठिनाई मन के सामना करत हावयं।
