रायपुर 23 नवंबर 2024
मुख्यमंत्री श्री विष्णुदेव साय ह आज बिलासपुर म स्पोर्ट्स कांप्लेक्स के मुँहदेखाई करीन। 14 करोड़ 60 लाख रूपया के लागत ले स्मार्ट सिटी लिमिटेड द्वारा संजय तरण पुष्कर परिसर म येकर निर्माण करे गे हावय।
ये बेरा म मुख्यमंत्री श्री साय ह स्पोर्ट्स कांप्लेक्स म उप मुख्यमंत्री श्री अरुण साव संग टेबल टेनिस, स्क्वैश अउ बैडमिंटन म हाथ आजमाइस। मुख्यमंत्री श्री विष्णुदेव साय ह एके ठिन छत तरी एक ले ज्यादा खेल मन के सुविधा मिले म प्रसन्नता प्रकट करत खिलाड़ी मन के उज्जर भविष्य बर शुभकामना तको दीन। इही बेरा मुख्यमंत्री श्री साय ह स्पोर्ट्स कांप्लेक्स म आनी बानी के खेल मन के खिलाड़ी अउ प्रशिक्षक मन ले मुलाकात करीन। बिलासपुर म तीन मंजिला स्पोर्ट्स कांप्लेक्स म बेसमेंट पार्किंग, ग्राउंड फ्लोर म रिसेप्शन अउ रेस्टोरेंट संचालित करे के प्रावधान हेवय। येकर पहिली तल्ला म बैडमिंटन, स्क्वैश कोर्ट, टेबल टेनिस, स्नूकर, बिलियर्ड्स जइसन खेल मन के सुविधा हे। दूसरइया तल्ला म मल्टीपरपज हॉल, योगा के सुविधा हे। ये स्पोर्ट्स कांप्लेक्स बिलासपुर के मेट्रो सिटी के संकल्पना ल साकार करे खातिर बढ़ाए गए एक ठिन पोठ कदम हरे जिहां नागरिक मन ल खेल भावना के संगे संग फिटनेस अउ मनोरंजन बर सर्वसुविधायुक्त क्लब के स्थापना करे गे हावय।
बेरा म उप मुख्यमंत्री श्री अरूण साव, केंद्रीय राज्य मंत्री अउ सांसद श्री तोखन साहू, विधायक तखतपुर श्री धर्मजीत सिंह, बिलासपुर श्री अमर अग्रवाल, बिल्हा श्री धरमलाल कौशिक, बेलतरा विधायक श्री सुशांत शुक्ला के संगे संग अब्बड़ झिन जनप्रतिनिधि अउ मनमाड़े संख्या म नागरिक उपस्थित रिहिन हे।
