बिहान दीदी मन के प्रयास ले प्रधानमंत्री सुरक्षा बीमा योजना के तहत मिलीस लाभ

नामांकित पुत्र श्री भागीरथी पैकरा ल मिलीस 2 लाख के सहायता राशि
सूरजपुर, जिला के जनपद पंचायत ओड़गी अंतर्गत ग्राम पंचायत पकनी निवासी श्रीमती गांगी पैकरा साल 2016 म बिहान योजना के अंतर्गत जी.आर.पी. दीदी मन के सहायता ले शिव गुरू स्‍व सहायता समूह ले जुड़ीस। एफ.एल.सी.आर.पी. काजल दीदी ह ओ ल प्रधानमंत्री सुरक्षा बीमा योजना के जानकारी दीस अऊ ओखर बीमा कराइस। दुर्भाग्यवश, 14 जून 2024 के श्रीमती गांगी पैकरा के आकस्मिक दुर्घटना म मृत्यु हो गे। बीमा योजना के अंतर्गत वोखर पुत्र श्री भागीरथी पैकरा ल नामांकित करे गए रहिस। बीमा सखी तारावती देवांगन ह छत्तीसगढ़ राज्य ग्रामीण बैंक, सलका के माध्यम ले बीमा दावा प्रस्तुत कराइस, जेखर फलस्वरूप नामांकित पुत्र ल ₹2,00,000 के सहायता राशि प्राप्त होइस।
प्रधानमंत्री श्री नरेंद्र मोदी ह 9 मई 2015 के प्रधानमंत्री सुरक्षा बीमा योजना के शुरुआत करे रहिन, जेकर वार्षिक प्रीमियम राशि मात्र ₹20 हे। ये योजना जीवन के अनिश्चितता मन ले सुरक्षा प्रदान करथे। हर एक नागरिक ल ए बीमा योजना ले जुड़ना चाही अऊ समय-समय म एकर नवीनीकरण कराना चाही। बिहान दीदी मन के ये प्रयास ग्रामीण महिला मन बर प्रेरणा के स्रोत हे अऊ ये बताथे के जागरूकता अऊ समर्पण ले कइसे ज़रूरतमंद मन ल समय म लाभ पहुँचाए जा सकत हे।