युक्तिकरण नीति ले सुधरत हे शिक्षा व्यवस्था

मुख्यमंत्री के अगुवइ म स्कूल मन म लहुटिस रौनक, हर विद्यालय म शिक्षक के उपलब्धता सुनिश्चित
“हर स्कूल म शिक्षक, हर लइका ल शिक्षा” के सपना होवत हे साकार
रायपुर, छत्तीसगढ़ म प्राथमिक अउ माध्यमिक शिक्षा ल मजबूत बनाए के दिशा म मुख्यमंत्री श्री विष्णुदेव साय के अगुवइ म लागू युक्तिकरण नीति अब सार्थक परिणाम देवत हे। जिलाभर के स्कूल म शिक्षक व्यवस्था सुदृढ़ होए ले न केवल शिक्षा के गुणवत्ता म सुधार होय हे, बल्कि छात्र मन के उपस्थिति म घलोक उल्लेखनीय वृद्धि देखे गए हे।
शिक्षकविहीन अऊ एकल शिक्षक के भरोसे संचालित स्कूल मन म अब नियमित शिक्षण व्यवस्था चालू हो गे हे। एखर से दूरस्थ अंचल के लइका मन ल अब विषयानुसार गुणवत्तापूर्ण शिक्षा प्राप्त होवत हे।
311 एकल शिक्षक स्कूल अऊ 14 शिक्षकविहीन शाला मन ल मिलीस संबल
बलरामपुर जिला म 311 एकल शिक्षक वाले अऊ 14 शिक्षकविहीन विद्यालय मन म युक्तिकरण के अंतर्गत अतिशेष शिक्षक मन के पदस्थापना करे गए हे। शिक्षा विभाग कोति ले तैयार करे गए डेटा आधारित कार्ययोजना अऊ संतुलित पुनर्विन्यास के माध्यम ले ये सुनिश्चित करे गीस के कोनो विद्यालय म शिक्षक के पद लंबा अवधि तक खाली झन रहय।
दूरस्थ अंचल मन म लहुटिस शिक्षा के अंजोर
बलरामपुर विकासखंड के प्राथमिक शाला महाराजगंज, जेन लंबा समय ले शिक्षकविहीन रहिस, उहां युक्तिकरण नीति के तहत शिक्षक के पदस्थापना के बाद फेर से नियमित कक्षा संचालित होवत हे। अइसनहे प्राथमिक शाला लुर्गी, भीतर सौनी अऊ मक्याठी जइसे एकल शिक्षक विद्यालय मन म घलोक अब विषयवार शिक्षक मन के तैनाती संभव हो पाय हे।
शिक्षक मन के संतुलित भार, छात्र मन ल विषयवार पढ़ाई
युक्तिकरण नीति ह शिक्षक मन के कार्यभार संतुलित करे हे अऊ पढ़ईया लईका मन ल समुचित विषय के पढ़ाई मिलत हे। एखर से पढ़ईया लईका मन ल न केवल प्रतियोगी परीक्षा मन म लाभ मिलही, बल्कि जीवन कौशल अऊ सर्वांगीण विकास के दिशा म घलोक ओ मन आगू बढ़ पाहीं।