‘मोर गांव मा पानी’ अभियान ले जल संरक्षण ल बढ़ावा

जनभागीदारी ले बनिस 4 हजार ले जादा सोखता गड्ढा अउ 104 इंजेक्शन वेल
महासमुंद, जिला म जल संरक्षण ल लेके एक अभिनव पहल के रूप म “मोर गांव मा पानी” अभियान ल प्रभावशाली ढंग ले क्रियान्वित करे जात हे। ए अभियान ह जिला म जल संरक्षण के क्षेत्र म जनभागीदारी ल एक नवा गति प्रदान करे हे।
जल संचयन ल जन आंदोलन के स्वरूप प्रदान करत जिला म ग्राम पंचायत, नगर पंचायत, शिक्षा विभाग, महिला अउ बाल विकास विभाग संग आन विभाग मन के समन्वय ले व्यापक स्तर म काम करे जात हे। अभियान के अंतर्गत जन सहयोग ले स्कूल, आंगनबाड़ी, पंचायत भवन अउ आन सार्वजनिक स्थल मन म सोखता गड्ढा के निर्माण कराए जात हे।
अब तक जिला म 4 हजार ले जादा सोखता गड्ढा के निर्माण पूरा करे जा चुके हे, उहें 104 इंजेक्शन वेल के माध्यम ले भूमिगत जल स्तर ल फेर से बढ़ाए जात हे। ये पहल वर्षा जल ल भूमिगत जल म बदल के जल संकट के स्थिति ले निपटे म सहायक सिद्ध होवत हे। सोखता गड्ढा मिट्टी के नमी बनाए रखे, सतही जल प्रवाह ल नियंत्रित करे अउ आसपास के पर्यावरण ल संतुलित रखे म घलोक कारगर साबित होवत हे।