सियान महिला मन बर वरदान बनिस महतारी वंदन योजना 

श्रीमती सूरज बाई ल मिलीस आत्मनिर्भर जीवन के संबल
कोरबा, छत्तीसगढ़ सरकार के महतारी वंदन योजना ग्रामीण क्षेत्र के सियान अऊ जरूरतमंद महिला मन बर आशा के किरण बनके उभरे हे। कोरबा जिला के विकासखंड कटघोरा के ग्राम धनरास के रहवइया 75 बछर के श्रीमती सूरज बाई अब पहिली के जइसे कोनो ले पइसा मांगे या उधार लेहे ल मजबूर नइ हे। राज्य सरकार ले हर महीना 1,000 रूपिया के सहायता सीधा ऊंखर खाता म पहुंचात हे, जेखर से वो अपन उपचार, दवइ मन, फल-सब्जी अऊ आन जरूरी जरूरत मन ल आसानी ले पूरा करत हें।
श्रीमती सूरज बाई बताथे के उम्र बाढ़े के संग काम करना कठिन हो गए हे, फेर महतारी वंदन योजना के राशि ह वोखर जीवन ल सहज अऊ आत्मनिर्भर बना देहे हे। वो ह बताइस के वोखर बेटा शहर म काम करथे, फेर रोजमर्रा के छोटे-मोटे जरूरत मन बर ओ ल पहिली दूसर मन उपर निर्भर रहना परत रहिस। अब सरकार के ए योजना ह ओ ल सम्मानजनक जीवन जीने के अवसर दे हे।
श्रीमती सूरज बाई जइसे हजारों महिला मन के जीवन म बदलाव लवइया ए योजना बर उमन मुख्यमंत्री श्री विष्णु देव साय अऊ महिला अऊ बाल विकास मंत्री श्रीमती लक्ष्मी राजवाड़े के प्रति आभार व्यक्त करे हें। उमन कहिन के ये योजना सही म प्रदेश के सियान महिला मन बर एक संजीवनी बनके आए हे। महिला अऊ बाल विकास मंत्री श्रीमती लक्ष्मी राजवाड़े ह घलोक कहिन हे के राज्य सरकार के प्राथमिकता हे के समाज के हर जरूरतमंद महिला ल आर्थिक संबल देहे जाए ताकि ओ मन आत्मसम्मान अऊ गरिमा के संग जीवन व्यतीत कर सकंय। महतारी वंदन योजना इही दिशा म एक सशक्त कदम हे, जेन ग्रामीण अंचल तक प्रभावी रूप ले पहुंचत हे।