ग्रामीण अर्थव्यवस्था म सकारात्मक बदलाव लावत हे समूह के दीदी मन

जशपुर, छत्तीसगढ़ के ग्रामीण महिला मन अब स्व-सहायता समूह के माध्यम ले आत्मनिर्भरता के दिशा म मजबूती ले कदम बढ़ावत हें। मुख्यमंत्री श्री विष्णु देव साय के निर्देश के अनुरूप महिला मन ल स्व-रोजगार ले जोड़के आत्मनिर्भर बनाए के दिशा म जिला प्रशासन जशपुर ह उल्लेखनीय पहल करे हे।
राष्ट्रीय ग्रामीण आजीविका मिशन के तहत जिला म 11,559 स्व-सहायता समूह के गठन करे गे हे, जेमा 1,24,117 महिला मन जुड़े हें अऊ कइ ठन आजीविका मूलक गतिविधि मन म सक्रिय भागीदारी के संग ग्रामीण अर्थव्यवस्था म सकारात्मक बदलाव लावत हें। ये महिला स्व-सहायता समूह ल 703 ग्राम संगठन अउ 32 संकुल संगठन के माध्यम ले संगठित करके कार्यशील बनाए गए हे। समूह के महिला मन के आय म वृद्धि बर सरलग उदीम करे जात हे। कृषि, पशुपालन, मत्स्यपालन, किराना व्यवसाय, ईंट निर्माण जइसे काम म सक्रिय भागीदारी लेवत हे।
स्व-सहायता समूह के महिला अब पारंपरिक खेती ल आधुनिक अउ प्राकृतिक पद्धति के साथ जोड़त हवयं। ओमनल बीज उपचार, तरल अउ ठोस जीवामृत, ब्रह्मास्त्र, नीमास्त्र जइसे जैविक विधिमन के निर्माण अउ उपयोग बर प्रशिक्षित करे जात हवय, जेखर सेती खेती के लागत कम हो गए हे अउ उत्पादकता म घलो सुधार होए हे।
कृषि, पशुपालन, मत्स्यपालन, रेशम विकास अऊ मनरेगा के अंतर्गत राज्य सरकार के अलग-अलग योजना के तहत स्वयं सहायता समूह ल जोड़के ओमन बर आय के नवा स्रोत के सृजन करे जात हवय। सामुदायिक निधि के माध्यम ले ऋण उपलब्ध कराए जात हवय, जबकि बैंक लिंकेज अऊ मुद्रा लोन जइसे योजना ले दीदी ल आजीविका गतिविधि मन ल बढ़ाए म मदद मिलत हवय।
स्वयं सहायता समूह के माध्यम ले महिला मन ल संगठित करके ओमन ल आर्थिक गतिविधि मन ले जोड़ना छत्तीसगढ़ सरकार के सामाजिक-आर्थिक सशक्तिकरण के एक सशक्त उदाहरण हवय। मुख्यमंत्री श्री विष्णु देव साई के दूरदर्शिता अउ नेतृत्व म ए पहल जशपुर जिला के विकास ल नवा दिशा देवत हवय। स्वयं सहायता समूह के दीदी के ए प्रयास न केवल उंखर जीवन ल संवरत हवय, बल्कि एक समावेशी अउ आत्मनिर्भर भारत के दिशा म एक महत्वपूर्ण कदम घलो साबित होत हवय।