पंडरिया विधायक भावना बोहरा ह सावन महिना म प्रस्तुत करिस सनातन संस्कृति के गजब मिसाल

अमरकंटक ले भोरमदेव तक पूरा करिस 151 किलोमीटर कांवड़ यात्रा
मुख्यमंत्री श्री विष्णु देव साय जी ह फोन करके भावना बोहरा अऊ कांवड़ीया मन के बढ़ाइन हौसला
मुख्यमंत्री श्री विष्णु देव साय जी ह भावना बोहरा अऊ कांवड़ीया मन ल फोन करके दीन यात्रा के शुभकामना
21 जुलाई के पंडरिया विधायक भावना बोहरा अऊ ऊंखर संग 300 ले जादा कांवड़ीया मन ह माँ नर्मदा मंदिर अमरकंटक ले भोरमदेव मंदिर तक 151 किलोमीटर के यात्रा शुरू करिन जेन 27 जुलाई के भोरमदेव मंदिर म भगवान भोलेनाथ जी के पूजा-अर्चना अऊ जलाभिषेक के संग पूरा होइस। छत्तीसगढ़ वासी मन के सुख-समृद्धि अऊ प्रदेश के खुशहाली के कामना बर ये कांवड़ यात्रा पंडरिया विधायक भावना बोहरा के अगुवई म शुरू करे गीस अऊ 7 दिन म घना जंगल, पर्वत, बीहड़ रास्ता, उफनत नदियस अऊ घनघोर बारिश ल पार करत डोंगरिया महादेव अऊ भोरमदेव मंदिर म शिवजी के जलाभिषेक के संग पूरा होइस। सबो अवरोध मन ल पंडरिया विधायक भावना बोहरा अऊ ऊंखर संग कदम ले कदम मिलाके चलत कांवड़ीया मन ह पार करिन अऊ मन म एक पवित्र संकल्प अऊ भगवान भोलेनाथ के प्रति अपार आस्था के संग निकले ए यात्रा म हर दिन एक नवा उर्जा,उल्लास अऊ उत्साह देखे गीस। 151 किलोमीटर के यात्रा पूरा करके भावना बोहरा अऊ ऊंखर संग सबो कांवड़ीया मन ह ये जरुर साबित कर दीन के कहूं दृढ़ संकल्प अऊ इच्छा शक्ति के संग मन म भक्ति अऊ आस्था ले आप मन अपन हर लक्ष्य अऊ संकल्प ल पूरा कर सकत हव। ये यात्रा छत्तीसगढ़ म अपन आप मन म एक मिसाल होही ये पहला अवसर हे के एक महिला जनप्रतिनिधि ह प्रदेश अउ प्रदेशवासी मन के मंगलकामना बर 151 किलोमीटर के कठिन यात्रा करिन अऊ नारी शक्ति के एक सन्देश घलोक दीन।