मुख्यमंत्री श्री साय ह महिला बॉक्सर सना माचू ल दीन शुभकामना

Surabhi Tiwari

विश्व बॉक्सिंग चैंपियनशिप म भारत के प्रतिनिधित्व करहीं सना, छत्तीसगढ़ बर गौरव के क्षण
रायपुर, मुख्यमंत्री श्री विष्णु देव साय ह दक्षिण पूर्व मध्य रेलवे (SECR) के महिला बॉक्सर सना माचू ल भारतीय बॉक्सिंग टीम म लेहे के खबर म हार्दिक शुभकामना देहे हें। उमन कहिन के सना के चयन न केवल छत्तीसगढ़, बल्कि पूरा देश बर गरब के बात हे। बिलासपुर रेल मंडल म सीसीटीसी के पद म पदस्थ सना माचू अब इंग्लैंड के लिवरपूल म 4 ले 14 सितंबर तक आयोजित होवइया विश्व बॉक्सिंग चैंपियनशिप म भारत के प्रतिनिधित्व करहीं।
मुख्यमंत्री श्री साय ह कहिन कि ये उपलब्धि छत्तीसगढ़ के बेटी मन के बाढ़त प्रतिभा, मेहनत अऊ आत्मविश्वास के चिनहारी ये। उमन भरोसा जताइन के सना अपन दमदार प्रदर्शन ले देश के नाव विश्व पटल म रोशन करहीं अऊ अवइया पीढ़ी बर प्रेरणा बनहीं। मुख्यमंत्री ह सना ल चैंपियनशिप बर अपन शुभकामना देवत ऊंखर उज्ज्वल भविष्य के कामना करे हें।

लउछरहा..