पत्रकार बहिनी मन ह मुख्यमंत्री के कलाई म बांधिन राखी : जनसेवा के रद्दा म अटूट संकल्प अऊ प्रगति के दीन शुभकामना

रायपुर, मुख्यमंत्री श्री विष्णु देव साय ह रक्षाबंधन के पावन पर्व म प्रदेश के सबो बहिनी मन ल हार्दिक शुभकामना दीन। उमन कहिन के रक्षाबंधन भाई-बहिनी के प्रेम, विश्वास अऊ अटूट संबंध के चिनहारी ये। ये परब हमला रिश्ता के पवित्रता अऊ एक-दूसर के प्रति सम्मान अऊ सुरक्षा के संकल्प के सुरता देवाथे।
ए बेरा म पुलिस लाइन हेलीपैड म उपस्थित पत्रकारिता जगत ले जुड़े बहिनी मन ह मुख्यमंत्री श्री साय के कलाई म राखी बाँधके ऊंखर दीर्घायु के कामना करिन। मुख्यमंत्री श्री साय ह सबो पत्रकार बहिनी मन के स्नेह, आशीर्वाद अऊ विश्वास बर आभार व्यक्त करिन अऊ ओ मन ल रक्षाबंधन के शुभकामना दीन।
मुख्यमंत्री श्री साय ह सबो बहिनी मन के सुखमय, स्वस्थ अऊ समृद्ध जीवन के मंगलकामना व्यक्त करत कहिन के ये पवित्र बंधन ओ मन ल अपन जिम्मेदारी मन ल अऊ जादा निष्ठा अऊ समर्पण के संग निभाए के शक्ति देही।