उप मुख्यमंत्री श्री अरुण साव ह ‘हर घर तिरंगा’ अभियान के तहत अपन घर म लगाइन तिरंगा

सबो मनखे मन ले अभियान ले जुड़े के करिन अपील
रायपुर, उप मुख्यमंत्री श्री अरुण साव ह आज प्रधानमंत्री श्री नरेन्द्र मोदी के आह्वान म देशभर म चलत ‘हर घर तिरंगा’ अभियान ले जुड़त नवा रायपुर स्थित अपन शासकीय निवास म तिरंगा फहराइन। उमन ए मौका म कहिन के तिरंगा केवल हमार देश के झंडा भर नो हेइ, बल्कि 140 करोड़ भारतीय मन के एकता, अदम्य साहस अऊ अमर बलिदान के चिनहारी ये।
उप मुख्यमंत्री श्री साव ह सबो मनखे मन ले देश के आजादी के अमृत महोत्सव के ए गौरवपूर्ण उत्सव म सामिल होए के अपील करे हें। उमन सबो प्रदेशवासी मन ले अपन-अपन घर मन म तिरंगा लगाके ‘हर घर तिरंगा’ महाअभियान ल जन-जन के उत्सव बनाए के आग्रह करे हें। उमन तिरंगा के संग अपन फोटो साझा करके ए राष्ट्रीय गौरव म सहभागी बने के अनुरोध करे हें।