डिजिटल फसल सर्वेक्षण के काम सही-सही होना चाही: कलेक्टर श्री एस जयवर्धन

कलेक्टर ह ग्राम कुरुआ अऊ केशवनगर म खेत म पहुंचके डिजिटल फसल सर्वेक्षण के काम के करिन जांच
जिला के कई ठन गांव मन म डिजिटल फसल सर्वेक्षण काम के करे जात हे जांच
सूरजपुर, कलेक्टर श्री एस. जयवर्धन ह आज जिला के ग्राम कुरुआ अऊ केशवनगर के खेत मन म पहुंचके डिजिटल फसल सर्वेक्षण (DCS) काम के निरीक्षण करिन। उमन कहिन के खरीफ साल 2025-26 के अंतर्गत लगाए गए फसल मन के डिजिटल सर्वेक्षण गुणवत्ता वाला अऊ कुशलता पूर्वक करे जाना चाही। कलेक्टर ह सबो राजस्व अधिकारी मन ल सरलग निगरानी रखे अऊ निरधारित तारीक तक सर्वेक्षण काम पूरा करे के निर्देश दीन। ए अवसर म सूरजपुर एसडीएम श्रीमती शिवानी जायसवाल अउ आन राजस्व अमला मौजूद रहिन। 
कलेक्टर ह कहिन के जिला के सबो एसडीएम अऊ तहसीलदार प्राथमिकता ले जादा ले जादा खेत के सर्वे पूरा करवावंय ताकि जादा ले जादा किसान ए प्रक्रिया ले लाभान्वित हो सकंय। उमन अधिकारी मन ल प्रतिबद्धता के संग काम करे के जरूरत उपर जोर दीन।
 इही कड़ी म उप तहसील पिलखा के ग्राम सतपता अऊ जयनगर, एखर अलावा ग्राम गोविंदपुर, रामानुजनगर, भटगांव, बिहारपुर पासल, उप तहसील जरही के ग्राम मरहटा, ग्राम धनेशपुर, प्रतापपुर, कुंज नगर अऊ सलका तहसील प्रेमनगर म घलोक डिजिटल फसल सर्वेक्षण काम के जांच करे गीस। कार्यवाही के समय नायब तहसीलदार, राजस्व निरीक्षक, पटवारी, सर्वेयर अऊ ग्रामवासी अपन उपस्थिति दर्ज करावत हें।