स्व सहायता समूह के महिला मन बनिन आत्मनिर्भरता के मिसाल

दुसर महिला मन बर बनिन प्रेरणा
जशपुर, मुख्यमंत्री श्री विष्णु देव साय के मंशा के मुताबिक छत्तीसगढ़ म महिला मन ल आत्मनिर्भर बनाए के दिशा म बिहान योजना उल्लेखनीय भूमिका निभावत हे। इही कड़ी म जशपुर जिला के कांसाबेल विकासखंड के रीमा स्व सहायता समूह ह आत्मनिर्भरता अऊ सशक्तिकरण के नवा मिसाल पेश करे हे।
मात्र 100-100 रूपिया के मासिक बचत ले शुरू होय ये समूह आज 35 शासकीय विद्यालय मन ल मध्यान्ह भोजन बर राशन उपलब्ध कराए के काम करत हे। समूह के अध्यक्ष श्रीमती सविता चौहान ह बताइस के ए काम ले समूह ल हर बछर 1 लाख रूपिया ले जादा के आमदनी होवत हे, जेखर से सबो 10 सदस्य महिला मन आर्थिक रूप ले लाभान्वित होवत हें।
रीमा स्व सहायता समूह ह 1.5 लाख रूपिया के करजा लेके अपन सदस्य मन के व्यक्तिगत जरूरत मन ल पूरा करे के संग उंखर आजीविका ल अऊ मज़बूती देहे के काम करत हे। श्रीमती चौहान ह बताइस के अब समूह के कोनो सदस्य ल आर्थिक मदद बर दूसर मन उपर निर्भर नइ रहना परत हे। महिला मन स्वरोजगार ले अपन परिवार के पालन-पोषण करत हे अऊ आत्मनिर्भरता के सही उदाहरण बने हें।