सुकमा, गरीबी अऊ कठिनाइ ले जूझत जिला के गादीरास पंचायत के रहवइया श्रीमती मुन्नीबाई पेद्दी पति श्री पेंटा पेद्दी के ज़िंदगी म प्रधानमंत्री आवास योजना ह नवा रोशनी भर देहे हे। पहिली जिहां ओखर परिवार माटी के कमजोर झोपड़ी म रहत रहिन, उहें अब ओ मन अपन दू कुरिया के पक्का मकान म गरिमा अऊ सुरक्षा के संग जीवन जीयत हे।
मुन्नी बाई, जेन परिवार के मुखिया हे, मेहनत-मजदूरी अऊ खेती-किसानी ले लइका मन के पालन-पोषण करथे। जुन्ना कच्चा घर म हर मौसम वोखर बर चुनौती रहिस। बरसात म चूहत छत, गर्मी म तपत छांधी, अऊ जाड़ म कड़कड़ात किनकिनी। लइका मन कई पइत बरसात म भींजके बीमार हो जात रहिन।
साल 2024-25 म जब सरपंच ह ओ ल प्रधानमंत्री आवास योजना के जानकारी दीस अऊ आवेदन करवाइस, तब वोखर उम्मीद ल नवा पांख मिलिस। योजना के तहत स्वीकृत राशि ले उमन एक पक्का मकान तैयार कराइस, जेमां रसोईघर, शौचालय अऊ बिजली के सुविधा घलोक हे। खुशी ले झूमत मुन्नी बाई कहिथे पहिली हमर घर सिरिफ बारिश अऊ धूप ले बचाव बर रहिस, अब ये हमार आत्मसम्मान के पहिचान बन गए हे। मुख्यमंत्री श्री विष्णुदेव साय के धन्यवाद के उमन हमला पीएम आवास बनवाए बर पइसा देहे हे।
प्रधानमंत्री आवास योजना : कच्चा मकान ले मिलीस छुटकारा, अब पक्का मकान म होवत हे गुजारा
