अपनेच घर के छत म बनही बिजली : प्रधानमंत्री सूर्यघर मुफ्त बिजली योजना बनिस लाभप्रद

खैरागढ़, प्रधानमंत्री सूर्यघर मुफ्त बिजली योजना जिला म मनखे मन ल खूब लोभावत हे। अब तक जिला के 450 ले जादा उपभोक्ता आवेदन कर डरे हें। सीएसपीडीसीएल के चेयरमैन डॉ. रोहित यादव ह अधिकारी मन ल निर्देशित करे हें के जादा ले जादा मनखे मन ल ए योजना ले जोड़े जाय, ताकि हर घर ल ऊर्जा आत्मनिर्भर बनाय जा सकय।
खैरागढ़ के रहवइया श्री शिवादित्य सिंह ह अपन मकान के छत म 5 किलोवाट के सोलर रूफटॉप प्लांट लगाए हे। वो ह बताइस के वोखर घर के बिजली बिल म लगभग 60 प्रतिशत के कमी आए हे अऊ ओ ल करीब 5 हजार रुपिया के मासिक बचत होवत हे। अइसनहे जालबांधा, पाण्डदाह अऊ आन क्षेत्र के कई उपभोक्ता मन ह सोलर प्लांट लगाके आर्थिक लाभ प्राप्त करत हें।
ए योजना के अंतर्गत उपभोक्ता मन ल 3 किलोवाट म 1.08 लाख रुपिया तक के सब्सिडी देहे जात हे। संगे उपभोक्ता केवल 10 प्रतिशत राशि अग्रिम देके शेष भुगतान 6 प्रतिशत ब्याज दर म 10 बछर तक के आसान किस्त म कर सकत हे। अकतहा बिजली उत्पादन ले उपभोक्ता अपन आय घलोक बढ़ा सकत हें।