रायपुर, मुख्यमंत्री श्री विष्णुदेव साय काली 23 सितमबर के धमतरी जिला के ग्राम करेलीबड़ी म आयोजित राज्य स्तरीय महतारी सदन लोकार्पण कार्यक्रम मे 51 महतारी सदन मन ल मातृशक्ति ल समर्पित करहीं। ए बेरा म मुख्यमंत्री धमतरी जिला ल 245 करोड़ 80 लाख के लागत वाले विकास अऊ निर्माण काम मन के लोकार्पण घलोक करहीं। ए बेरा म आयोजित कार्यक्रम म उप मुख्यमंत्री श्री अरूण साव अऊ श्री विजय शर्मा, मंत्री श्री राम विचार नेताम, मंत्री श्री टंकराम वर्मा अतिविशिष्ट अतिथि होहीं। कार्यक्रम म सांसद श्रीमती रूप कुमारी चौधरी अऊ श्री भोजराज नाग, विधायक श्री अजय चन्द्राकर, जिला पंचायत अध्यक्ष श्री अरूण सार्वा, जनपद अध्यक्ष श्री विरेन्द्र कुमार साहू विशिष्ट अतिथि के रूप म मौजूद रइहीं।
करेलीबड़ी धमतरी जिला के कुरूद विधानसभा क्षेत्र के गांव हे। धमतरी जिला म महतारी सदन निर्माण योजना के अंतर्गत 4 महतारी सदन मन के निर्माण ग्राम पंचायत भेंड्री, मेधा, खरेंगा अऊ करेलीबड़ी म कराए गए हे। इहां ये बताना जरूरी हे के छत्तीसगढ़ सरकार कोति ले ग्रामीण महिला मन ल स्वावलंबी अऊ आत्मनिर्भर बनाए अऊ आपसी समरसता स्थापित करे, सामायिक कार्यक्रम मन म सामूहिक भागीदारी अऊ महिला सशक्तिकरण के उद्देश्य ले ग्राम पंचायत मन म महतारी सदन के निर्माण कराए जात हे।
महतारी सदन निर्माण के ए योजना के तहत पहिली चरण म साल 2024-25 अंतर्गत कुल 202 महतारी सदन बर कुल 50 करोड़ रूपिया स्वीकृत करे गए हे। लगभग 2500 वर्गफीट म बनइया हरेक महतारी सदन के लागत 24.70 लाख रूपिया हे, जेखर से हर एक महतारी सदन म एक हॉल, कमरा, किचन, स्टोर, दुकान, बाउड्रीवाल, प्रसाधन अऊ बोरवेल के निर्माण कराए गए हे।
महतारी सदन के लोकार्पण कार्यक्रम म छत्तीसगढ़ राज्य के महिला स्व-सहायता समूह के 2 लाख सदस्य महिला मन वर्चुअल रूप ले सामिल होहीं। प्रधानमंत्री श्री नरेन्द्र मोदी के आत्मनिर्भर भारत अभियान महिला मन के क्षमता ल देश के विकास के संग जोड़े के उद्देश्य ले छत्तीसगढ़ राज्य म ग्राम पंचायत मन महतारी सदन के निर्माण तेजी ले कराए जात हे। ए योजना के तहत राज्य म दूसर चरण म साल 2025-26 अंतर्गत कुल 166 महतारी सदन बर छत्तीसगढ़ शासन कोति ले 50 करोड़ रूपिया के मंजूरी देहे गए हे। दूसर चरण म बनइया हरेक महतारी सदन के लागत 30 लाख रूपिया हे।
मुख्यमंत्री श्री साय काली करही 51 महतारी सदन मन के लोकार्पण
